
Ji parêzerên ÇHD'î re 450 sal ceza hat xwestin 

2021-11-17 16:31:03


	&nbsp;

	STENBOL - Di danişîna doza ku Serokê Giştî yê ÇHD'ê Selçûk Kozagaçli jî di nav de 19 parêzer tên darizandin de dozger mutalaaya xwe aşkera kir û 450 sal ceza xwest.

	&nbsp;

	Li Stenbolê, 45'emîn danişîna doza ku bi angaşta "endamtî, rêvebirin û propagandaya rêxistinê" Serokê Giştî yê ÇHD'ê Selçûk Kozagaçli jî di nav de li 19 parêzeran hatibû vekirin, li 18'emîn Dadgeha Cezaya Giran a Stenbolê ya li Kampûsa Girtîgeha Sîlîvriyê dest pê kir. Selçûk Kozagaçli û Barkin Tîmtîk û parêzerên xwe li danişînê amade bûn. Ji Amerîka, Fransa, Almanya, Îspanya û Îtalyayê gelek kes danişînê dişopînin.&nbsp;

	&nbsp;

	Piştî tespîtkirina nasnameyan danişînê dest pê kir. Di danişînê de heyeta dadgehê mutalaaya ku di danişîna navberê de dozgeriyê pêşkêş kiribû parve kir. Di mutalaayê de bi sûcdariya "endamtî, rêvebirin û propagandaya rêxistinê" ji Kozagaçli û parêzerên din re 450 sal ceza hat xwestin.&nbsp;

	&nbsp;

	Piştî parvekirina mutalaayê parêzeran dest bi parastinê kir. Parêzerê Kozagaçlı Fehmî Demîr, Parêzer Serenay Balikaya û Parêzer Hamza Çîftçî li dijî mutalaya ku hat parvekirin derketin û muwekîlên xwe parastin.&nbsp;

	&nbsp;

	Piştî parastina parêzeran ji bo saetekê navber danişîn hat rawestandin. Piştî navberê danişînê dîsa dest pê kir û bi parastinên parêzeran didome.&nbsp;

	&nbsp;

	&nbsp;