
Sercerdevanê ku Çelîk kuşt gef li malbata wî jî xwariye  

2021-11-22 13:03:48


	&nbsp;

	MÊRDÎN - Sercerdevan Şîrîn Akçay ê ku li Midyadê Mazlum Çelîk kuştibû bi tevî 2 birayên xwe ve hat binçavkirin. Hat diyarkirin ku piştî bûyerê cerdevanan malbatê tehdît kirine.&nbsp;

	&nbsp;

	Li gundê Meskenê yê bi ser navçeya Midyada Mêrdînê ve duh sercerdevanê keya Şîrîn Akçay û birayên xwe Veysî û Mahsum bi sîlehan êrişî Mazlum Çelîk (28) kirin û di encama êrişî de jiyana xwe dest da. Malbatê cenazeye lawê xwe ji bo otopsiyê rakirin Nexweşxaneya Dewletê ya Mêrdînê. Malbat li ber nexweşxaneyê li benda wergirtina cenaze ye.&nbsp;

	&nbsp;

	Hat zanîn ku piştî êrişê Şîrîn Akçay û birayên wî Veysî û Mahsum Akçay hatin binçavkirin. Piştî karên li Fermandariya Cendirmeyan a Navçeya Midyadê 3 kesên hatin binçavkirin sewqî Edliyeya Midyadê hatin kirin.

	&nbsp;

	BI ÇEKAN XELKÊ TEHDÎT DIKIN&nbsp;

	&nbsp;

	Birayê mezin ê Mazlûm Çelîk Îdrîs Çelîk ji Ajansa Mezopotamyayê (MA) re axivî û diyar kir ku dema birayê wî pereyê heqê xwe xwestiye di navbera wan de nîqaş derketiye û pişt re jî çêrî birayê wî kirine û gule li birayê wî reşandine. Çelîk anî ziman ku dewletê bi dayîna çekan malbata Akçay di nava gund de hişt û diyar kir ku ew li gund cerdevan in û bi çekan gel tehdît dikin.

	Çelîk anî ziman ku cerdevanan birayê wî qetil kirine û wiha got: “Cerdevanan bi çeka dewletê êrişî birayê min kirin û qetil kirin. Maf û edalet tune. Em ji bo mafên xwe têdikoşin.” Çelîk diyar kir ku dê cenaze li gund veşêrin û derdora gund ji aliyê cendirmeyan ve hatiye dorpêçkirin û got: “Çi dibe bila bibe em ê cenazeyê xwe bibin gund û defin bikin. Heger astengiyan derxin, em ê dîsa cenaze bibin gund. Em ê cenazeyê xwe li erdê nehêlin."

	&nbsp;

	GEF LI MALBATÊ XWARIN E&nbsp;

	&nbsp;

	Xizmê Mazlûm Çelîk ê hatiye qetilkirin jî diyar kir ku piştî kuştina Çelîk cerdevan û birayên wî çûne mala malbatê û tehdît kirine. Xizmê Çelîk diyar kir ku Akçay û xizmên wî bi nasnameya xwe ya cerdevaniyê zilm li gundiyan kirine û diyar kir ku heke çeka cerdevanên li gund neyên girtin dê gundî bi pirsgirêkên din re rûbi û bimînin.

	&nbsp;

	BI ÇEKAN GEFAN DIXWE&nbsp;

	&nbsp;

	Korucubaşi Şîrîn Akçay bi vîdeoyên ku li ser medyaya dîjîtal parve kirine de kesek ku tê naskirinê ye. Akçay ê ku vîdeoyên bi gulebarana bêserûber berdide parve kiriye û di hin vîdyoyên xwe de jî gefan dixwe.

	&nbsp;

	MA / Ahmet Kanbal

	&nbsp;