
Ji HDK'ê banga tevgera gel a yekgirtî 

2021-11-25 14:38:33


	&nbsp;

	STENBOL - HDK'ê ji bo çalakiyên ku bi daxwaza îstîfakirina desthilatê dest pê kirine banga banga yekitiya çalakî û hêzê kir û diyar kir ku divê tevgereke gel a yekgirtî û rêxistinbûn bê kirin. &nbsp; &nbsp;

	&nbsp;

	Kongreya Demokratîk a Gelan (HDK) li ser krîza aboriyê û nerazîbûnên li dijî zêdebûna dovîzê ku li gelemperiya welêt belav bûne daxuyaniyeke nivîskî weşand. Di daxuyaniyê de hat diyarkirin ku desthilat ji hêza çareseriya krîza ku afirandin dûr e û ev tişt hate gotin: "Rastiya qeyrana piralî ku berhema pergala desthilatdariya kapîtalîst û sazûmaniya desthilatdariya faşîst a heyî ye, bandora xwe ya li ser jiyana civakî û siyasî ku di bin şert û mercên pandemiyê de hatiye girankirin, didomîne."&nbsp;

	&nbsp;

	HEWL DIDIN KRÎZÊ BI ZEXTÊ BI RÊ VE BIBIN

	&nbsp;

	Di daxuyaniyê de hat destnîşankirin ku desthilat hewl dide qrîzê bi şer, zextê, dagirkerî, êrişên nîjadperest û zayendî bi rê ve bibe û ev tişt hat gotin: "Krîza aborî-malî encamên wêranker derdixîne holê ku jiyana rojane ya beşên herî mezin û berfireh ên civakê bi kûrahî dihejîne. Em qala êş û ê lgerîna çareye bi dehan mîlyon karker ûbêkar, extiyar û teqawîtbûyî, esnaf û gundî, jin û ciwan û bi milyonan kedkaran dikin. Em şahidiya çalakiyên bênavber dikin. Çalakî û şermezarkirinên demokratîk ku du roj in li gelek bajaran tên lidarxistin, nîşan didin ku berteka gel weke tevgereke gel a bi rêxistikirî û girseyî ya yekgirtî dikare bê pêşxistin.

	&nbsp;

	BANG&nbsp;

	&nbsp;

	Di dawiya daxuyaniyê de bang li hemû beşên civakê hat kirin ku bi hev re tevbigerin û ev tişt hat gotin: "Weke HDK em bang li hemû hêzên ked, demokrasî û azadiyê dikin ku ji bo afirandina tevger û rêxistinbûyîneke gel a yekbûyî ya li dijî kapîtalîzm û faşîzmê, li ser bingeha yekîtiya hêz û çalakiyê bibin yek û bi hev re tevbigerin. &nbsp;Eşkerekirina hêza civakî û siyasî ya yekbûyî ya gelên me yên kedkar û hemû bindestan, weke berpirsyarî û wezîfeya me ya lezgîn a bêalî li pêşiya me radiweste. Tişta ku gelê me ji me hêvî dike ev e. Weke HDK em diyar dikin ku em ê bibin mijara bi bandor a her cure xebatên pêşvebirinê, însîyatîfên yekitiyê û hevkariyên çalakiyê yên ku di bin her cure formên meşrû de têne kirin."

	&nbsp;