
Girtiyê ku behsa êrişên gardiyanan kir: Dibe ku me bikujin

2021-11-26 09:00:46


	ŞIRNEX -Veysî Altan ku di Girtîgeha Hejmar 1 a Tîpa T &nbsp;a Turkoglû ya Mereşê de ye, di hevdîtina telefonê ya bi malbata xwe re ragihand ku dibe ku gardiyan ji nişka ve êrişî wan bikin û got: "Dibe ku me bikujin, bila haya we jê hebe."&nbsp;

	Veysî Altan ku di Girtîgeha Hejmar 1 a Tîpa T &nbsp;a Turkoglû ya Mereşê de ye, di hevdîtina telefonê ya bi malbata xwe re ragihand ku gardiyan gefan li wan dixwin. Altan, di sala 2017'an de hatiye girtin û cezayê muebedê lê hatiye birîn.&nbsp;

	&nbsp;

	BINPÊKIRINA MAFAN

	&nbsp;

	Dayik Emîne Dag, bibîr xist ku li tevahiya girtîgehan binpêkirinên mafan hene û girtî bi zext û zoriyê re rû bi rû ne. Dag, bilêv kir ku gava bi rêya PTT'ê pereyan ji kurê xwe re dişîne, pere pir dereng digihêjin wî û bi taybetî di dema pandemiyê de binpêkirinên mafan pir zêde bûne. Dayik Dag, diyar kir ku sal û nîvek e bi hinceta pandemiyê hevdîtinên vekirî tune ne, tenê hevdîtinên girtî hene û ew jî tenê du kes dikarin biçin. Dag got: "Pitik û zarok jî wekî kes tên hesibandin. Kurê min zewicandiye û 2 zarokên wî hene. Lê di vê pêvajoyê de tu carî her du zarokên xwe bi hev re nedîtine. An ez û neviyekî xwe an jî bûka min û zarokek wê diçin. Em ev qas rê diçin, lê dîsa jî em xweşikî hev nabînin."&nbsp;

	&nbsp;

	Dayik Dag, destnîşan kir ku zarokên wan bi zanebûnî dişînin girtîgehên dûrî wan.&nbsp;

	&nbsp;

	GEFÊN GARDIYANAN

	&nbsp;

	Dag, bilêv kir ku kurê wê di hevdîtina dawî de ya bi telefonê, gotiye: "Dayê bila haya we jê hebe, li vira rewş qet nebaş e. Helwesta gardiyanan pir cuda ye. Deriyên qawîşên me vedikin û gefan li me dixwin û dibêjin 'hûn dizanin em kî ne ma ne, em ê wiha bikin, wiha bikin.' Dibe ku gardiyan ji nişka ve êriş bikin. Dibe ku me bikujin, bila haya we jê hebe."

	&nbsp;

	'BERPIRSIYAR DEWLET E'

	&nbsp;

	Dag, destnîşan kir ku ji ber ku kurd in ev tahde li wan tê kirin û got: "Jixwe zarokên me di girtîgehê de ne. Ma hûn hê jî ji wan ditirsin? Bila êdî dawî li van zext û zoriyan bê. Ger tiştek bê serê zarokên me berpirsiyar dewlet e. Em ê hesabê vê ji dewletê bipirsin. Heya em sax bin em ê xwedî li zarokên xwe derkevin û ji bo wan bitêkoşin. Em dixwazin girtiyên siyasî bên berdan."&nbsp;