
‘Xwezî zimanê zindanan hebûya û vê zilmê bigotana’  

2021-12-02 16:44:06


	&nbsp;

	AMED - Nobeda Edaletê ya malbatên girtiyan di roja 17’emîn de berdewam dike û malbatan banga bidawîkirina zilma li ser zarokên xwe kirin.&nbsp;

	&nbsp;

	Malbatên girtiyên nexweş û girtiyên ku cezayê wan qediyaye û nayên berdan li avahiya Baroya Amedê çalakiya xwe Nobeda Edaletê, di roja 17’emîn de berdewam dikin. Şaxa Genel-Îşê ya Jimara 2’yan a Amedê û Hevseroka TUAY-DER’ê Emîn Guzel serdana malbatan kirin.&nbsp;

	&nbsp;

	‘EDALET JI BO HER KESÎ PÊWÎST E’&nbsp;

	&nbsp;

	Serokê Şaxa Genel-Îşê Hasan Hayrî Eroglû diyar kir ku teraziya edaletê ji bo hemû welatiyan divê eynî be û edalet ji bo her kesî pêwîst e.&nbsp;

	&nbsp;

	XWEZÎ ZIMANÊ ZINDANAN HEBÛYA…&nbsp;

	&nbsp;

	Reşahat Ada ya ku wişka Hamdusena Ada ya li Girtîgeha Amedê girtî ye anî ziman ku wan bi daxwaza edalet, maf û hiqûqê nobedê daye destpêkirin û got: “Xwezî zimanê zindanan hebûya û biaxiviya ku çi zilm li zarokên me hatine kirin. Heta edalet pêk were em ê çalakiya xwe bidomînin û li ber xwe bidin.”&nbsp;

	&nbsp;

	‘EM Ê VÊ ZILMÊ QEBÛL NEKIN’&nbsp;

	&nbsp;

	Încî Guler a xwişka girtiyê nexweş Abdulselam Guler jî destnîşan kir ku ew ê qet û qet vê zilma li ser girtiyan qebûl nekin.&nbsp;

	&nbsp;

	Fevziye Kolakan a ku lawê wê Ahmet Kolakan ê li Girtîgeha Bandirmaya Balikesîrê girtî ye jî got: “Em ê van neheqî û vê zilmê qebûl nekin. Heta daxwaza me ya edaletê pêk were, em ê ji vir ranebin.”&nbsp;

	&nbsp;

	ZEXT ZÊDE BÛNE&nbsp;

	&nbsp;

	Hevseroka TUAY-DER’ê Emîne Guzel jî anî ziman ku zextên li ser girtiyan zêde bûne û xwest girtiyên nexweş û girtiyên cezayên wan qediyane demildest werin berdan.&nbsp;

	&nbsp;

	&nbsp;