
ROJEVA 9'Ê KANÛNA 2021'AN

2021-12-09 09:00:24


	* Nûnerên partiyên siyasî krîza aborî û siyasî ya ku AKP’ê roj bi roj mezintir dike nirxandin û deng û hêrsa ku li kuçeyan bilind dibe dê birina îqtidarê bi leztir bike.&nbsp;

	* Bijîşk Bûlût Ezer, diyar kir ku ji ber pandemî û enfeksiyona grîbê liv û tevgera li nexweşxaneyên Rihayê zêde bûye û bal kişand ser xwarina zebze, fêkiyan û vexwarina avê.&nbsp;

	&nbsp;

	* Gelê Dersimê anî ziman ku îqtidarê hilberînerî nehiştiye, roj fiyet biha dibin û nikarin debara xwe bikin.&nbsp;

	&nbsp;

	* Mehmet Ozoglû ku qeyûm ew xist Şaredariya Peyasê, piştî bû Cîgirê Serokê Baskê Ciwanan ê AKP'a Amedê, bêyî biçe ser kar meaşê distîne.&nbsp;

	&nbsp;

	* Serokê Baroya Şirnexê Rojhat Dîlsîz ku bal kişand ser binpêkirinên mafan ên li girtîgehan, diyar kir ku Tirkiye li Îmraliyê berpirsiyariya xwe pêk nayne.

	&nbsp;

	* Parêzer Hakzan Sadak bal kişand ser polîs û eskerên sûcan dikin û ji aliyê darazê ve tên parastin û destnîşan kir ku polîtîkaya bêcezatiyê zêde dibe û hiqûq li hemû herêman wekî hev nayê şixulandin.&nbsp;

	&nbsp;

	* Derket holê ku Fermandarê Cendirmeyan ê Dêrikê yê berê Serdar Batûr, tevî hin cerdevanan çeteyek ava kiriye û bi vê çeteyê re beranberî bertîlê kadroya cerdevantiyê firotiye û mazota qereqolê û kincên eskeran ên aydê qereqolê dizîne.

	&nbsp;

	* &nbsp;Li zarokên ku hat îdiakirin pisîka Wanê ya di jêrzemîna avahiyekê de dîtin firotine, bi hinceta "dizî" û "firotin an jî stendina amûrên sûcî" cezayê hepsê û cezayê pere hat birîn.&nbsp;

	&nbsp;

	* Nobeda Edaletê ya Malbata Şenyaşar wê di roja 276’emîn de berdewam bike.&nbsp;

	&nbsp;

	* Danişîna 13'emîn a doza 6 rojnamevanên ku maîlên Berat Albayrak kiribûn nûçe û tên darizandin wê li Dadgeha Stenbolê were lidarxistin.&nbsp;

	&nbsp;

	* Danişîna doza rojnamevan Çetîn Kurşun wê li Dadgeha Mêrdînê bê lidarxistin. (10.00)

	&nbsp;

	* Danişîna 7'emîn a Doza Kobanê wê li Kampûsa Girtîgeha Sîncanê berdewam bike. (10.00)

	&nbsp;

	* ÎHD û TÎHV bi boneya Hefteya Mafê Mirovan wê li Navenda Giştî ya ÎHD'ê daxuyanî bidin.&nbsp;

	&nbsp;

	* MEBYA-DER'a Şirnexê wê 1'emîn Kongreya xwe ya Asayî li Cizîrê li dar bixe. (11.00)

	&nbsp;

	* Başak Demîrtaş, Hevserokên HDP'a Amedê, Serokê Baroya Amedê Nahît Eren û Hevseroka OHD'ê Îlnûr Alcan wê serdana Nobeda Edaletê ya malbatên girtiyan bikin. (13.00-16.00)

	&nbsp;

	&nbsp;