
Nobeda Edaletê ya malbatên girtiyan di roja 27’emîn de ye 

2021-12-12 14:52:11


	AMED - Malbatên girtiyên nexweş û girtiyên nayên berdan di roja 27’emîn de çalakiya xwe ya Nobeda Edaletê berdewam kirin. Îro jî gelek kesan piştevaniya malbatan kir.&nbsp;

	Nobeda Edaletê ya malbatên girtiyên nexweş û girtiyên cezayê wan qediyaye û nayên berdan di roja 27’emîn de li Baroya Amedê berdewam kirin. Serdanên ji bo malbatan jî berdewam dikin. Rêveberên HDP’ê û DBP’ê yên Amedê, endamên Meclîsa Şaredariya Bismilê yên HDP’yî serdana malbatan kirin.&nbsp;

	&nbsp;

	Hevserokê HDP’a Bismilê Meşhel Sirimsi di serdanê de axivî û got sedema binpêkirinên mafan ên li girtîgehan tecrîdkirina Rêberê PKK’ê Abdullah Ocalan e û tevî zextan û binpêkirinên mafan jî gelê kurd li ser pêya ye.&nbsp;

	&nbsp;

	BERXWEDANA KURDAN&nbsp;

	&nbsp;

	Hevşaredarê Bismilê Orhan Ayaz ê qeyûm tayînî şûna wî hatiye kirin jî da zanîn ku gelê kurd bi salan e li dijî zextan li ser pêya, li ber xwe dide û wê tundî û zext nikaribin têkoşîna gelê kurd têk bibin. Ayaz diyar kir ku divê her kes ji bo girtiyan bi rola xwe rabe.&nbsp;

	&nbsp;

	Rêvebera HDP’ê Hanim Tanriverdî jî bal kişand ser mirina biguman a Garîbe Gezer û got ji ber ku Garîbeyê serê xwe netewand hat kuştin û divê her kes bibe dengê girtiyan.&nbsp;

	&nbsp;

	Încî Guler a ku birayê wê girtiyê nexweş e jî xwest piştevaniya ji bo malbatên girtiyan mezin bibe.&nbsp;

	&nbsp;

	&nbsp;

	&nbsp;