
Di Nobeda Edaletê de banga ‘çareseriyê’ li Wezareta Dadê kirin 

2021-12-14 16:16:14


	&nbsp;

	AMED - Malbatên girtiyan ku 29 roj in li Amedê Nobeda edaletê digirin, banga “çareseriyê” li Wezareta Dadê kirin.&nbsp;

	&nbsp;

	Malbatên girtiyên nexweş ku nayên berdan û malbatên girtiyên ku cezayê wan qediyaye û nayên berdan, werin berdan li avahiya Baroya Amedê di roja 29’emîn de Nobeda Edaletê berdewam kirin. Rêveberên rêxistinên HDP’ê û DBP’ê yên Erxeniyê û rêveberên Komeleya Wêjekarên Kurd serdana malbatan kirin.&nbsp;

	&nbsp;

	BERTEK NÎŞANÎ TECRÎDÊ DAN&nbsp;

	&nbsp;

	Hevserokê HDP’a Erxeniyê Zulkuf Bîrgul di serdanê de axivî û bal kişand ser krîzên li welat diqewimin û got: “Niha Tirkiyê di rewşek xerab de derbas dibe. Her roja ku diçe zextên li ser Rêberê Kurd û girtiyan zêde dibin. Tecrîdek pir taybet tê sepandin. Divê em li dijî tecrîd û polîtîkayên taybet dengê xwe derxin.”&nbsp;

	&nbsp;

	Hevserokê rêxistina DBP’a Erxeniyê Zulkuf Bîçer jî diyar kir ku her roja ku diçe tecrîd girantir dibe û teqez wê tecrîd xwe li ber berxwedana gelê kurd nede.&nbsp;

	&nbsp;

	BANGA ÇARESERIYÊ LI WEZARATÊ KIRIN&nbsp;

	&nbsp;

	Reşahat Ada ya xwişka girtî Hamdusena Ada ku li Girtîgeha Amedê ya Tîpa T tê ragirtin da zanîn ku 29 roj in di nobedê de ne û &nbsp;heta ew çareseriyê bibînin dê çalakiya xwe bidomînin û got: “Wezîrê Dadê neçar e ku çareseriyê bîne. Çend roj berê ez çûm hevdîtinê. Rewşa girtiyên me nebaş e. Ez gazî hemû dayikan dikim, werin em xwedî li zarokên xwe derkevin.”&nbsp;

	&nbsp;

	Încî Guler a xwişka girtiyê nexweş Abdulselam Guler ê li Girtîgeha Amedê ya Tîpa D tê ragirtin jî behsa zext û zordariya li girtiyan tê sepandin kir.&nbsp;

	&nbsp;

	‘LI DIJÎ ZILMÊ EM Ê LI BER XWE BIDIN’

	&nbsp;

	Hevserokê Komeleya Wêjekarên Kurd Mehmet Devîren jî bal kişand ser çalakiya dayikên girtiyan û got: “Em bi vê berxwedanê serbilin din. Em ê li dijî zilmê li ber xwe bidin. Li girtîgehan tecrîd û sepanên taybet di dewrê de ne. Li dijî van van polîtîkayan, em li cem dayikên xwe ne. Ev têkoşîna mafê mirovan e.”&nbsp;

	&nbsp;

	BANGA XWEDÎ DERKETINÊ&nbsp;

	&nbsp;

	Nivîskar Herdem Merwanî ya ku bavê wê Abdulhalîm Kirtay jî xwest ku her kes xwedî li girtiyan û çalakiya malbatan derkeve.&nbsp;

	&nbsp;