
Girtiyê ji sedî 82 astengdar: Jiyana min veguheriye îşkenceyê 

2021-12-17 09:09:03


	&nbsp;

	AMED - Girtî Aydin Çûbûkçû ku ji sedî 82 astengdar e û 30 sal in girtiye, diyar kir ku jiyana wî veguheriye îşkenceyê û li girtîgehê dermankirina wî ne pêkan e.&nbsp;

	&nbsp;

	Girtiyê nexweş Aydin Çûbûkçû (62) ku 30 sal in girtiye û niha di Girtîgeha Wanê ya Tîpa F'yê de ye, tevî ku gelek nexweşînên giran lê peyda bûne jî nayê berdan. Çûbûkçû, nameyek şand û di nameyê de bal kişandiye ser rewşa xwe ya tenduristiyê.&nbsp;

	&nbsp;

	Çûbûkçû, di nameya xwe de diyar kiriye ku bi salan e hevdîtin bi malbata xwe re nekiriye û ji ber ku ji zû de ye girtiye gelek nexweşînên kronîk lê peyda bûne. Çûbûkçû, ragihandiye ku di demên dawî de rêvebiriya girtîgehê bi hinceta Covîd-19'ê tedawiya wî bi derengî xistiye û li girtîgehê xwarinên diyetê bi dest wî nakevin. Çûbûkçû, destnîşan kiriye ku li girtîgehê dermankirina wî ne pêkan e.&nbsp;

	&nbsp;

	NEXWEŞÎN

	&nbsp;

	Çûbûkçû, destnîşan kiriye ku jiyana wî veguheriye îşkenceyê û gotiye, nexsweşîna Hepatît Be, hîper tansiyon, di mejî de kîst, prostat, KOAH, ulser, reflu, gastrît, Vertîgo lê peyda bûne û çavê wî yê rastê qet nabîne û yê çepê jî piştî ku emeliyat bûye ji sedî 50 nabîne. Çûbûkçû di nameya xwe de diyar kiriye ku her roj nêzî 10 cure dermanan dixwe û ev pirsgirêk hem di warê aborî hem jî di warê manewî de bandorek nemabş lê dike.&nbsp;

	&nbsp;

	Çûbûkçû, bilêv kir ku ji ber van nexweşînên xwe gelek caran serî li Saziya Tiba Edlî (ATK) daye, lê serlêdanên wî esas nehatine girtin û gotiye herî dawî Nexweşxaneya Zanîngeha Yuzuncu Yil a Wanê rapora astengdariyê ya ji sedî 82 daye wî.&nbsp;