
Kaya: Berxwendana Îmraliyê tecrîdê vala derxist

2021-12-19 10:32:43


	&nbsp;

	EDENE - Birayê Veysî Kaya, Mûhîttîn Kaya, diyar kir ku hewl tê dayîn ku tol ji Rêberê PKK'ê Abdullah Ocalan bê girtin û got ku berxwedana Îmraliyê tecrîdê vala derxistiye.&nbsp;

	&nbsp;

	Li Îmraliyê tecrîda girankirî ya li ser Rêberê PKK'ê Abdullah Ocalan berdewam dike û serlêdanên ji bo hevdîtinê yên malbat û parêzerên wî bêbersiv tên hiştin. Di vê pêvajoya li gelek welatan çalakî û aktivîteyên li dijî tecrîdê berdewam dikin de birayê Veysî Kaya ku di 9'ê sibata 2006'an de li Edenê li dijî tecrîda li ser Ocalan laşê xwe dabû ber agir û di 28'ê sibata heman salê de jiyana xwe ji dest dabû Mûhîttîn Kaya jî got ku li dijî tecrîdê divê herkes dengê xwe bilind bike. Kaya, diyar kir ku tecrîda 23 salan a li Imraliyê bi ser neketiye û berovajiyê vê berxwedan tecrîdê vala derxistiye.&nbsp;

	&nbsp;

	&nbsp;KETIYE ASTA MIRINÊ

	&nbsp;

	Kaya, bi lêv kir ku tecrîd ketiye halekê bixwîn û wiha got: "Tecrîd berê fizîkî bû niha halekê kujende girtiye. Bi bilindbûna fazîşmê re tecrîda hişk didome. Em ji vê rewşê bifikar in. Pêkanîna tecrîdê wê qet nede qezençkirin. Bi kûrbûna tecrîdê re remzên berxwedanê jî derdikevin holê. Tecrîd têkoşîn û berxwedana hember bilindtir dike. Divê rewşê de remzên berxwedanê derdikevin holê. Mînak Halîl Guneş 29 salan li ber xwe da. Di encama tecrîdê de nexweş ket û îro şehîd bû. Niha, 'kê qezenç kir, kê winda kir?' Em bi awayekî vekirî dikarin bibêjin ku kurdan qezenç kir. Heval Halîl Guneş careke din hêza berxwedanê nîşanî kurdan da. Tecrîd qet nade qezençkirin. Tecrîdê tenê mirin, alozî û pirgirêkan mezin dike. Hikûmeta Tirkiyeyê weke tênagihîje vê israra xwe tecrîdê jî didomîne. Em vê qebûl nakin."

	&nbsp;

	BERXWEDANA KU RÛMETÊ ANIYE

	&nbsp;

	Di berdewamê de Kaya, destnîşan kir ku weke malbat ew dizanin ku tecrîd çî ye û ji bo wan tê çi wateyê û wiha axivî: "Berxwedaneke ku rûmetê aniye heye. Di malbata me de dema ku tecrîd tê gotin berxwedana tê hişê me. Me vê di malbatê de dît û li ber xwe da. Weke ereb jî em bi vê serbilind bûn. Di vî warî de me tu carî kurdan bi tenê nehişt. 15 sal in em li dijî tecrîdê li ber xwe didin. Divê kurd li dijî tecrîdê têbikoşin. Vê jî bi awayekî zelel bibêjim; di malbata me de piştî ku du kesan li dijî tecrîdê laşê xwe dan ber agir û şehîd bûn, hê bêtir me li ber xwe da."

	&nbsp;

	OCALAN TÊK NEÇÛ

	&nbsp;

	Kaya, da zanîn ku hewl tê dayîn tol ji Ocalan bê girtin û ev tişt anîn ziman: "Faşîzm 23 sal in hewl dide tol bigire û di vî warî de tecrîdê kûr dike. Faşîzma bixwîn dibêje, '23 sal in ez Ocalan tecrîd dikim, di vê pêvajoyê de çawa nexweş neket an jî li dijî tecrîdê têk neçû'. Niha di şexsê Ocalan ku tecrîdê vala derxistiye de hewla tolhildanê tê dayîn. Herkes li texma xwe de divê li dijî tecrîdê bikeve tevgerê. Divê tecrîd vala bê derxistin û li dijî wê têkoşîn bê dayîn. Li dijî tecrîdê divê xebateke mirovî bê kirin. Li tu devera dinyayê, kesek 24 salan di odeyekeke yekkesî de nayê tecrîdkirin. Heke ku girtîgeh vê bi ser bixe, weke civak em dikarin li her qadê li ber xwe bidin."

	&nbsp;

	MA / Cemîl Ûgûr - Selman Guzelyuz

	&nbsp;