
22 rojnamevan hatin beraetkirin  

2021-12-21 13:33:47


	&nbsp;

	STENBOL - 22 rojnamevenên ji doza serdegirtina Rojnameya Ozgur Gundemê 5 sal in tên darizandin, hatin beraetkirin. &nbsp;&nbsp;

	&nbsp;

	Di meha tebaxa 2016’an de polîsan avêtibûn ser avahiya rojnameya Ozgur Gundemê ya Biryarnameya di Hukmê Qanûnê de (KHK) hatibû girtin. Bi îdiaya ku 22 rojnamevan “li dijî polîsan derketine” 5 sal in dihat darizandin. Danişîna biryarê ya doza rojnamevanan li 5’emîn Dadgeha Cezayê Asliye ya Çaglayana Stenbolê hat lidarxistin. Rojnamevan beşdarî danişînê nebûn û parêzerên wan Ozcan Kiliç, Cemal Polat, Sercan Korkmaz û Oya Oznûr di danişînê de amade bûn.&nbsp;

	&nbsp;

	Parêzeran di danişînê de parastina miwekîlên xwe kirin û xwestin werin beraetkirin. Dadgehê daxwaza parêzeran nirxand û bi hêceta ku delîlên rojnamevan werin cezakirin têrê nakin û rojnamevanan sûc nekiriye biryara beraetê da. Her wiha dadgehê biryar da ku materyalên dîjîtal ên rojnamevanan ku 5 sal in hatine desteserkirin li wan werin zivirandin.&nbsp;

	&nbsp;