
Jinan serdana Nobeda Edaletê kir  

2021-12-23 16:50:30


	&nbsp;

	WAN - Nobeda Edaletê ya malbatên girtiyên nexweş û girtiyên bi sedema înfaza wan hatiye binpêkirin nayên berdan di roja 15’emîn de berdewam dike. Jinan îro serdana çalakiyê kir.&nbsp;

	&nbsp;

	Li Wanê malbatên girtiyên nexweş û girtiyên ku bi sedema înfaza wan hatiye binpêkirin û nayên berdan Nobeda Edaletê dane destpêkirin di roja 15’emîn de berdewam kirin. Nobed li avahiya Baroya Wanê tê girtin. Îro jî aktîvîstên TJA’yê û rêveberên jin ên DBP’ê û HDP’ê serdana malbatan kirin.&nbsp;

	&nbsp;

	Dayikan pêşwazî li jinan kir. Endama Meclîsa Partiyê ya HDP’ê Denîz Oztekîn axivî û destnîşan kir ku sedema neberdana girtiyên nexweş û girtiyên ku bi sedema înfaza wan hatiye binpêkirin nayê berdan tecrîdkirina Rêberê PKK’ê Abdullah Ocalan e û îdareyên girtîgehan girtiyan tecrîd dike û bi çavek neyartî li girtiyan dinêre.&nbsp;

	&nbsp;

	Hevseroka DBP’a Wanê Gulderen Varli jî da zanîn ku pêwîste Nobeda Edaletê were mezinkirin û tecrîd û binpêkirinên mafan ên li girtîgeha bi berxwedanê were pûçkirin.&nbsp;

	&nbsp;

	Serdan bi berzkirina dirûşmeya “Bijî berxwedana zindanan” bi dawî bû.&nbsp;

	&nbsp;