
Înîsiyatîfa Dayikên Aştiyê: Girtiyên nexweş berdin 

2021-12-29 16:41:24


	MÊRSÎN - Endamên Înîsiyatîfa Dayikên Aştiyê ku têkildarî binpêkirinên mafan ên li girtîgehan diqewimin daxuyanî dan bi gotina “Êdî Bes e” xwestin girtiyên nexweş bên berdan.

	&nbsp;

	Înîsiyatîfa Dayikên Aştiyê û Tevgera Jinên Azad (TJA) têkildarî binpêkirinên mafan ên li girtîgehan xwestin li Parka Zarokan daxuyaniyê bidin lê hat astengkirin, li ser vê yekê dayik û endamên TJA’yê li ser Cadeya Îstîklalê hatin gel hev û daxuyanî dan. Gelek kes beşdarî daxuyaniyê bûn. Di daxuyaniya ku wêneyên girtiyên jiyana xwe ji dest dan hat hilgirtin de pankarta “Em ê tecridê bişkînin û jiyanê azad bikin” vekirin. Girseyê her tim dirûşmeyên “Bijî berxwedana zindana” û “Girtîyen sîyasî rumeta me ne” berz kirin.&nbsp;

	&nbsp;

	‘ÊDÎ BES E’

	&nbsp;

	Endamê Înîsiyatîfa Dayikên Aştiyê Emîne Eren, xwest ku demildest girtiyên nexweş werin dermankirin û wiha got: “Bila tecrîda li ser Ocalan û girtiyan were rakirin. Di demên dawî de cenazeyê 7 hevalên me ji girtîgehê derketin. Êdî bes e.”

	&nbsp;

	‘EM TECRÎDÊ QEBÛL NAKIN’

	&nbsp;

	Eren, dazanîn ku dayik tecrîdê qebûl nakin û wiha berdewam kir: “Em êdî naxwazin cenaze ji girtîgehan derkevin.” Eren, bang li Barzanî û PDK’ê jî kir û axaftina xwe wiha bi dawî kir: “Bila daxwaza dayikên cenazeyên xwe dixwazin bi cih were. Êdî bes e. Ez li ser navê dayikên aştiyê bang dikim, em li dijî şer in.”

	&nbsp;

	Dayikên Aştiyê piştî daxuyaniyê tevî hemû astengiyan jî bi berzkirina diruşmeyan meşiyan. Girseya heta Rêxistina HDP’a Bajêr meşiya bi tilîliyan, diruşmeyên “Bijî berxwedana zîndanan” , “Jin jiyan azadî” û “Bila girtiyên nexweş bên berdan” berz kirin.&nbsp;

	&nbsp;