
Bedela nûçeyê: 67 rojnameger bi daxwaza hezar û 334 salan hatin darizandin 

2022-01-02 13:30:13


	&nbsp;

	ENQERE - Li gorî rapora meha Kanûnê ya Bedela Nûçeyan a Cemiyeta Rojnamevanan, 67 rojnamevan û xebatkarên çapemeniyê derketin pêşberî dadgehê û bi komî ji 412 salan heta hezar û 334 salan cezayê hefsê ji wan re hat xwestin.&nbsp;

	&nbsp;

	Cemiyeta Rojnamegeran, rapora xwe ya meha Kanûnê ya xebata raporkirinê ya bi sernavê “Bedêla Nûçeyê” aşkera kir. Di raporê de bal hat kişandin ser astengî û zextên ser rojnamevanan û hat diyarkirin ku herî kêm 67 rojnamevan û xebatkarên çapemeniyê derketin pêşberî dadgehê.&nbsp;

	&nbsp;

	CEZAYÊ MUEBETA GIRANKIRÎ HAT XWESTIN&nbsp;

	&nbsp;

	Di raporê de hat diyarkirin ku ji 67 rojnamevanên ku di mehekî de hatin darizandin re bi giştî ji 412 sal û mehekê heta hezar û 334 sal û mehek cezayê girtîgehê, 2 ji wan jî cezayên muebbeta girankirî 3 cezayên muebbetê hat xwestin. Ji 6 danişînên hatin dîtin biryar hatin dayîn. Di danişînên biryar hatin dayîn de li 8 rojnamevanan bi komî 14 sal 8 meh û 14 roj cezayê hefsê hat birîn. 9 meh cezayê hefsê ku ji rojnamevanekê re hat birîn vegerandin 4 hezar û 500 lîreyî. Derbarê 25 rojnamevanên hatin darizandin de jî biryara beraetê hat dayîn.&nbsp;

	&nbsp;

	11 ROJNAMEVAN HATIN BINÇAVKIRIN

	&nbsp;

	Li gorî raporê di mehekê de herî kêm 11 rojnamevan û xebatkarên çapemeniyê hatin binçavkirin, di meha Kanûnê de derbarê 7 rojnamevana de dozên nû hatin vekirin û derbarê 3 rojnamevanan de jî lêpirsînên nû hatin destpêkirin. &nbsp;

	&nbsp;