
Kesê 253 kîlo tiryak pê re hat girtin endamê îstixbaratê derket

2022-01-05 09:08:48


	AMED - Derket holê ku kesê di operasyona Fermandariya Cendirmeyan a Licê de 253 kîlo tiryak li mala wî hatiye dîtin endamê îstixbaratê ye. Kesên ku ekîbên cendirmeyan ên bajêr û navçeyê xistin qirika hev, bi biryara dadgehê hatin berdan.&nbsp;

	Di operasyoneke tiryakê ya li navçeya Licê ya Amedê hat kirin de, hin agahiyên ecêb bi dest ketin. Li gor agahiyên bi dest ketin, ekîbên girêdayî Fermandariya Cendirmeyan a Licê, di 18'ê Mijdara 2021'ê de li mezrika Xerengozê avêtin ser malekê.&nbsp;

	&nbsp;

	253 KÎLO TIRYAK

	&nbsp;

	Di vêtina ser vê mala li mezrika Xerengozê ya li pişt Qereqola Dûrûyê de, 253 kîlo tiryaka ji bo firotinê hazikirî hat zevtkirin. Xwediyê malê M.K. û yê li cem wî M.G. hatin binçavkirin.&nbsp;

	&nbsp;

	ÎXTICBARATVAN E

	&nbsp;

	Piştî xwediyê malê M.K. hat binçavkirin, vê carê Fermandariya Cendirmeyan a Bajêr tevgeriya. Eskerekî payebilind ê li Cendirmeya Bajêr ket dewrê û xwest M.K.'yê hatiye binçavkirin bê berdan. Ev eskerê payebilind ragihandiye ku M.K. îstixbaratvanê operasyona Nîsana 2021'ê ye ku li bejahiya Licê hatibû kirin û hatibû ragihandin ku tê de HPG'î Abdulsittar Ozer ê bi bernavê "Dara" jiyana xwe ji dest daye.&nbsp;

	&nbsp;

	Piştî vê operasyonê Wezîrê Karên Navxweyî Suleyman Soylû li ser hesabê xwe yê medyaya sanal parve kiribû ku di vê operasyonê de 2 HPG'î jiyana xwe ji dest dane, lê paşê bi hin wêneyên lis er hesabên medyaya sanal hatibûn parvekirin derketibû holê ku Ozer bi saxî hatiye zevtkirin û paşê hatiye girtin.&nbsp;

	&nbsp;

	XWEDÎ LÊ DERKET

	&nbsp;

	Fermandarê li Cendirmeya Bajêr peywirdar, ji bo M.K. gotiye "Wî Dara da min, ez nahêlim kes dets bide wî." Piştî vê fermandariya bajêr û navçeyê ketine qirika hev. Piştî alozî mezin bûye, vê carê rayedarên payebilind ên eskerî ketine dewrê.&nbsp;

	&nbsp;

	HER DU JÎ HATIN BERDAN

	&nbsp;

	Piştî hevdîtinan M.K.'yê ku derket holê elemanê îstixbaratê ye û M.G.'yê pê re hatiye zevtkirin piştî lêpirsînê sewqî Edliyeya Licê hatine kirin û li vira piştî îfadeya dozgeriyê hatine berdan.&nbsp;

	&nbsp;

	Berdana M.K. û M.G., bûn cihê angaştên ku li edliyeyê bazariyek gendeliyê çêbûye. Li gor van îdiayan her du kes bi beranberiya 400 hezar TL hatineberdan û yê navbeynkariya vê bazarê kiriye jî parêzerek e.&nbsp;

	&nbsp;

	Ev yek jî nîşan dide ku li hêlekê propagandaya têkoşîna li dijî tiryakê tê kirin, lê hêla din jî destûra elemanên îstixbaratê tê dayin ku tiryakê deynin û bifiroşin.&nbsp;

	&nbsp;