
Mûrat E. yê ku polîs û notirvanan îşkence lê kirin jiyana xwe ji dest da

2022-01-15 18:46:19


	&nbsp;

	STENBOL - Hat hînbûn ku Murat E. yê ku li Wanê polîs û notirvanan di dema binçavkirinê de ew îşkence kiribûn, duh na pêr li girtîgehê jiyana xwe ji dest daye.&nbsp;

	&nbsp;

	Li Wanê di 11'ê Çileyê de kesê bi navê Mûrat E. (35) bi hinceta "diziyê" hatibû binçavkirin û di dema binçavkirinê de polîs û notirvanan îşkence lê kiribûn. E. ku polîs û notirvanan ew biribû Amîrtiya Navenda Polîsan a 2'yê Nîsanê, a din a rojê hatibû girtin û li Girtîgeha Wanê ya Tîpa M'yê ew xistibûn hucreyê.&nbsp;

	&nbsp;

	JIYANA XWE JI DEST DA

	&nbsp;

	E., di 13'ê Çileyê de bi awayekî gumanbar jiyana xwe ji dest daye. Rêvebiriya girtîgehê demeke dirêj tu agahî bi malbatê û parêzerê Mûrat E. re parve nekirine. Piştî malbatê israr kiriye îdareya girtgehê gotiye, "Mûrat E. ji ber tiryakê, xwe kuştiye."&nbsp;

	&nbsp;

	NAYÊ ZANÎN JI BER ÇI MIRIYE

	&nbsp;

	Lê di rapora otopsiyê ya Saziya Tiba Edlî ya Wanê de sedema teqez a mirina E. nehatiye diyarkirin, tenê hatiye gotin ku "di mejiyê wî de kêm çêbûye."&nbsp;

	&nbsp;

	Piştî karên otopsiyê cenazeyê E. hat definkirin.&nbsp;

	&nbsp;

	Hat diyarkirin ku parêzerê E. xwestiye qeydên kamerayên nexweşxaneyê û girtîgehê bên vekolandin.&nbsp;