
Siyasetmedarên hatin berdan bi girseyî hatin pêşwazîkirin

2022-01-27 20:18:53


	RIHA - Li Rihayê 5 siyasetmedarên hatin berdan, li ber girtîgehê bi dirûşmeya "Bijî berxwedana zindanan" hatin pêşwazîkirin.

	Siyasetmedarên ku di 2'yê Kanûna 2016'an de hatibûn girtin û di danişîna îro ya li Dadgeha Cezayê Giran a 6'an a Rihayê de hatin berdan, bi awayekî girseyî hatin pêşwazîkirin.&nbsp;

	&nbsp;

	Piştî biryara berdanê Hevşaredarê Xelfetiyê Mûstafa Bayram ê qeyûm tayinî şûna wî hatibû kirin, Hevseroka HDP'a Rihayê ya berê Leyla Akça, rêvebirên HDP'ê yên berê Mehmet Bînîcî û Avnî Gurbuz û Hevserokê DBP'a Eyyûbiyeyê Îzettîn Gok, li ber girtîgehê bi awayekî girseyî bi berzkirina "Bijî berxwedana zindanan" hatin pêşwazîkirin.&nbsp;

	&nbsp;

	Siyasetmedaran ji ber pêşwazîkirina bi girseyî malavayiya yên li derve kirin. Hevşaredarê Xelfetiyê Mûstafa Bayram, diyar kir ku zêdetirî 5 salan bi awayekî bêhiqûqî di girtîgehê de hatine hiştin û got: "Em bi awayekî neheq û bêhiqûqî di girtîgehê de hatin hiştin. Hê jî gelek hevalên me di girtîgehê de ne. Em ê di çarçoveyeke hiqûqî de doza mafên xwe bikin. Biryar saet di 11.00'an de hat dayîn, lê me danê êvarî berdan."&nbsp;