
Li çar bajaran herî kêm 6 kes kirin binçavan 

2022-01-28 12:40:30


	AMED - Polîsan li çar bajaran avêtin ser malan û herî kêm 6 kes kirin binçavan.&nbsp;

	Serdozgeriya Komarê ya Amedê lêpirsînek ku navenda wê Amedê ye daye destpêkirin. Di çarçoveya lêpirsînê de polîsan bi ser gelek malan de girtin.&nbsp;

	&nbsp;

	Li navçeya Rezanê ya Amedê polîsan serê sibê bi ser mala Dîlan Kartal de girtin. Polîsan kelûpelên malê belav kirin û dest danîn ser hin wêneyan û heqaret li ferdên malbatê kirin. Piştî lêgerîna li malê Kartal kirin binçavan û birin Midûriyeta Polîsan a Amedê. Hêceta binçavkirinê nehat zanîn.&nbsp;

	&nbsp;

	SÊRT

	&nbsp;

	Li navçeya Hawêl a Sêrtê jî polîsan avêt ser malekê û Yusuf Genç kirin binçavan. Hat zanîn ku Genç dê ji bo îfadeyê bibin Amedê.&nbsp;

	&nbsp;

	ÊLIH

	&nbsp;

	Li Êlihê jî polîsan bi ser malekê de girt û kelûpelên malê li nava hev xistin. Polîsan Vedat Ozer û Vedat Guler ên endamên Meclîsa Ciwanan a HDP’ê kirin binçavan û birin Amedê.&nbsp;

	&nbsp;

	STENBOL

	&nbsp;

	Li Stenbolê jî polîsan serê sibehê avêt ser malan. Di serdegirtina malan de endamê Meclîsa Ciwanan a HDP'ê Ahmet Beyazit û jina ciwan a bi navê Bêrîtan Dag kirin binçavan. Hat zanîn ku her du ciwan jî di çarçoveya operasyona navenda wê Amed e, hatine binçavkirin. Her du ciwanan birin Mûdiriyeta Polîsan a Stenbolê û hat zanîn ku biryara sînordarkirinê danîne ser dosyeyê.&nbsp;