
Dîmenên êrişa Tirkiyeyê ya li ser Şengalê 

2022-02-02 13:27:49


	NAVENDA NÛÇEYAN – Encamên rûxîner ên êrişa Tirkiyeyê ya li ser Mexmûr, Şengal û Dêrikê her ku diçe bêhtir zelal dibin. Di êrişa li ser Şengalê de texrîbateke mezin çêbûye û Teyrê Tawis&nbsp; jî di nav de ku bo civaka êzidî pîroz e, gelek zîndiyên din jî hatine kuştin.

	&nbsp;

	Balafirên artêşa Tirkiyeyê di nîvşeva 1’ê Sibatê de bi awayekî hemwext Wargeha Penaberan a Mexmûrê, Şengal û bajarê Dêrikê yê Bakur û Rojhilatê Sûriyeyê bombebaran kirin. Rûxîneriya ku bombebarana hêzên Tirkiyeyê rê li ber vekirî hêdî hêdî zelal dibe.&nbsp;

	&nbsp;

	ÊRIŞ BI SAETAN DOMIYA

	&nbsp;

	Êrişa li ser Şengalê saet di 22.00’an de dest pê kir û heta derengiya şevê bi qasî 4 saet û nîvan berdewam kir. Tê gotin ku ji sala 2017’an heta niha mezintirîn êrişa hewayî ya Tirkiyeyê şevê din hat kirin. Gelek balafirên şer û yên biçek di êrişê de cih girtin. Hat zanîn ku gelemperî jî herêmên stratejîk ên weke Amûd û Çilmêran ên Şengalê bûn hedefa bombaranê.&nbsp;

	&nbsp;

	DÎMENÊN HILWEŞÎNÊ

	&nbsp;

	Di dîmenên hatine bidestxistin de xuya dibe ku ne tenê mirov û derdor, her wiha zîndewarên li herêmê jî bûne qurbaniyên vê êrişa giran. Weke ku tê zanîn Teyrê Tawis&nbsp;ji bo civaka êzdî çûkekî pîroz e û di êrişan de&nbsp;Teyrê Tawis&nbsp; jî hatin qetilkirin. Her wiha di dîmenan de alayên Iraqê yên şewitî, kevirên dîwaran ên li derdorê belav bûyîn, dîwarên hilweşiyayî û darên şewitîn xuya dikin.&nbsp;

	&nbsp;

	Hêjayî bibîrxistinê ye ku ev êriş piştî hevdîtina Serokwezîrê Iraqê Mustafa Kazimî bi Sefîrê Tirk ê Iraqê Alî Riza Guney re hatiye kirin.&nbsp;

	&nbsp;