
Dadgeha Îstînafê dosyeya îşkenceya li Xelfetiyê dabeş kir  

2022-02-02 15:16:59


	&nbsp;

	RIHA – Dadgeha xwecihî ya Rihayê ceza li 14 kesên ji dosyeya Xelfetî dihatin darizandin birîbû. Dadgeha Îstînafê jî cezayê hin kesan erê kir û cezayê hin kesan jî xera kir.&nbsp;

	&nbsp;

	Li gundê Derto yê bi ser navçeya Xelfetiya Rihayê ve di 18’ê gulana 2019’an de leşkeran îşkence li gundiyan kiribû û wan binçav kiribûn. 8 jê girtî derbarê 17 kesan de bi îdiaya “endamtiya rêxistinê” û “rêveberina rêxistinê” doz li wan hat vekirin. 5’emîn Dadgeha Cezayê Giran a Rihayê di 25’ê hezîrana 2021’an de ceza li van kesan birîbû. 4’emîn Daîreya Ceza ya Dadgeha Îstînafa Dîlokê derbarê dozê de biryara xwe eşkere kir.

	&nbsp;

	Dadgeha Rihayê derbarê sê kesan de biryara beraetê dabû û li yên mayî jî ceza birîbû. Dadgeha Îstînafê cezayê li Celal Yildirim, Fahrettîn Alakuş, Cindî Zencîrkiran,Omer Gul û Vakkas Kiliç hatibû birîn di cih de dît û cezayê li Gazeley Alakuş, Fatma Alakuş, Mehmet Hayrî Çiftçî, Sariye Gumuş, Niyazî Gumuş û Rûken Denîz jî hatibû birîn xera kir. Dadgeha Îstînafê ji nû ve dosyeyên cezayê wan hat xerakirin şand dadgeha xwecihî.&nbsp;

	&nbsp;

	&nbsp;

	&nbsp;