
Bombebarana li ser Bakur û Rojhilatê Sûriyeyê didome

2022-02-02 20:21:36


	&nbsp;

	
		NAVENDA NÛÇEYAN - Balafirên şer ên Tirkiyeyê gundên Til Temir, Girê Spî, Zirgan û Minbicê bombebaran kirin.&nbsp;
	
		&nbsp;
	
		Bombebarana Tirkiyeyê ku duh li ser Şengal, Kampa Mexmûrê û bajarê Dêrikê dest pê kiribû, li ser gundê Bakur û Rojhilatê Sûriyeyê jî didome.&nbsp;
	
		&nbsp;
	
		Li gor nûçeya Ajansa Nûçeyan a Firatê (ANF), gundên Til Temirê Ûm El Kêf, Til Cûma, Tewîle, Fozeliyê û Til Şenan hatin bombebarankirin. Li gundê Ûm El Kêfê ji hêzên hikûmeta Şamê Diyab Qirbêsa yê 23 salî birîndar bû.&nbsp;
	
		&nbsp;
	
		Gundên Girê Spî Erîda, Zenûbiya û Evdiko Biçûk û gundê Goşan ê Eyn Îsayê hatin bombebarankirin. Di heman wextî de derdora rêya M4'ê jî hat bombebarankirin.
	
		&nbsp;
	
		Gundên Minbicê Yalinlî û Seyade jî hatin bombebarankirin. 19 guleyên hewanê li van her du gundan ketin. Li gor agahiyên Meclîsa Eskerî ya Minbicê 14 guleyên hewanê li gundê Seyade û 5 gule jî li gundî Yalinliyê ketine.&nbsp;
	
		&nbsp;
	
		Bombebaran didome.&nbsp;


	&nbsp;