
Dadgehê îdianameya malbata Dîrîl qebûl kir  

2022-02-07 16:30:21


	&nbsp;

	ŞIRNEX - Serdozgeriya Komarê ya Şirnexê têkildarî windakirina Hurmuz Dîrîl ê winda û Şimonî Dîrîl a mirî hat dîtin îdianame amade kir û ev îdianame ji aliyê dadgehê ve hat qebûlkirin.&nbsp;

	&nbsp;

	Li gundê Mehrî ya bi ser navçeya Bêşebaba Şirnexê ve di 8’ê çileya 2020’an de Hurmuz û Şimonî Dîrîl ên hevjînên hev winda bûbûn. Cenazeyê Şimonî Dîrîl 70 roj şûn ve li Çemê Hezîl hatibû dîtin. Lê Hurmuz Dîrîl hêj winda ye û tu agahî jê nehat girtin.&nbsp;

	&nbsp;

	Derbarê bûyerê de lêpirsîn hatibû destpêkirin û biryara “veşarî” li ser lêpirsînê bû heta îro nehat rakirin. Di çarçoveya lêpirsînê de xizmê malbatê Epro Dîrîl du caran hat girtin û berdan lê cara sêyemîn hat girtin û niha hêj girtî ye.&nbsp;

	&nbsp;

	Îdianameya ji aliyê Serdozgeriya Komarê ya Şirnexê ve hatibû destpêkirin, ji aliyê dadgehê ve hatibû redkirin. Li ser îtîraza dozgeriyê îdianame ji aliyê 1’emîn Dadgeha Cezayê Giran a Şirnexê ve hat qebûlkirin.&nbsp;

	&nbsp;

	DANIŞÎNA EWIL DI 19’Ê NÎSANÊ DE YE&nbsp;

	&nbsp;

	Li gorî îdianameya hatiye amadekirin wê Epro Diril û hevalên wî Behçet Oztunç û Îsmaîl Yildiz ji sûcên wek “kuştina bi cenawirî û eziyet kirine” û “kuştina bi sêwirandî” werin darizandin.&nbsp;

	&nbsp;

	Danişîna ewil a dozê jî dê di 19’ê nîsanê de were lidarxistin.&nbsp;

	&nbsp;