
Cerdevanê ku dest dirêjî keçeke 16 salî kir hate berdan

2022-02-15 12:10:18


	&nbsp;

	WAN - Cerdevanê bi navê Faîk Dûral ku li Payîzavayê dest dirêjî keçeke 16 salî kiribû û hatibû girtin, hate berdan. Hat zanîn ku Dûral zexta zewacê li keça 16 salî dike.&nbsp;

	&nbsp;

	Li Taxa Repetîk a Payîzava ya Wanê cerdevanê bi navê Faîk Dûral di 23’yê kanûna 2021’an de dest dirêjî keçeke 16 salî kir.

	&nbsp;

	Malbata keçikê giliyê cerdevan Faîk Dûral kir û li ser vê yekê jî Dûral hatibû girtin. Piştî girtina Dûral, xizmên cerdevan Dûral zext li keç û malbatê kirin û xwestin ku ji giliyê xwe lêve bibin. Ji ber zextan, malbatê giliyê xwe vekişand.

	&nbsp;

	Hat zanîn ku Dûral hate berdan û li dadgehê soz da ku dê bi keçikê re bizewice û ji ber vê hatiye berdan. Li gorî agahiyan, cerdevan Dûral ji bo ku bi keça 16 salî re bizewice, zextê li malbatê dike.&nbsp;

	&nbsp;

	Hêjayî bibîrxistinê ye ku li gundê Bozyîgît ê Payîzava ya Wanê jî cerdevanê bi navê Ziya Karakoç ji ber ku dest dirêjî jinekê kiribû, hatibû girtin.

	&nbsp;