
ROJEVA 20'Ê SIBATA 2022'YAN 

2022-02-20 09:00:36


	&nbsp;

	
		* Hevserokê Komeleya Lêkolînên Kurd Eyyup Sûbaşi, destnîşan kir ku kurdî çendî bê statu be û çendî ji gelek derfetan bêpar be jî, bi berxwedanê hatiye roja îroyîn û got: “Bingeha zimanê kurdî li ser zaravayan e. Tenê zaraveyek jî lawaz bibe, ew bingeh an yê bimire yan jî yê winda bibe.”
	
		&nbsp;
	
		* Endama Komîsyona Zimanê Kurdî û Parlamentera HDP’ê ya Rihayê Aşye Surucu, anî ziman ku ji ber ku bi dayîka xwe re ya ji bilî kurdî bi tu zimanî nizane bi kurdî axiviye mamosteyê wê lêxistiye û piştî mamosteyê wê jê re gotiye "Çima tu bi dayikaa xwe re bi kurdî diaxivî?", ew hê bêhtir bi kurdî axiviye.&nbsp;
	
		&nbsp;
	
		* Xwediyê Weşanxaneya Nayê Berfo Barî, anî ziman ku dîroka kurdan di zimanê wan de veşartiye û got: "Ewilî em dikarin li malên xwe li ber polîtîkaya bişavtinê rabin."&nbsp;
	
		&nbsp;
	
		* Li Mêrdînê çawîşê pispor Omer Ayas, bi awayekî sîtematîk dest dirêjî jinekê kiriye. Çendî qeydên wî yê dengan hene û di van qeydan de li xwe mikur hatiye ku destdirêjî kiriye jî, lê dozgeriyê di mutalaaya xwe de doza beraeta Ayas kiriye.&nbsp;
	
		&nbsp;
	
		* Hevalên girtiyê nexweş ê rewşa wî giran Bazo Yilmaz ku di Girtîgeha Rihayê ya Jimare 2'yan a Tîpa T'yê de ye, bang kirin: "Êdî nikare di girtîgehê de bimîne."&nbsp;
	
		&nbsp;
	
		* Mamosteyê kurdî Tahsîn Tîmûr ji bo kurdî bang li malbatan kir û got: "Malbat divê bi zimanê zikmakî bi zarokên xwe re biaxivin û berprisiyariya dikeve ser milê wan bi cî bînin."&nbsp;
	
		&nbsp;
	
		* Rêxistinên jinan diyar kirin ku bîra Aysel Tûglûkê "bîreke têkoşînê ye" û biryara ATK'ê jî biryareke siyasî ye.&nbsp;
	
		&nbsp;
	
		* Sekreterê Birêxistinbûnê yê Şaxa Egîtîm Sen a Wanê Lokman Babat bal kişand ser girîngiya perwerdeya bi zimanê dayikê û wiha got: “Hewceye em di her qadên jiyanê de bi kurdî bijîn.”&nbsp;
	
		&nbsp;
	
		* Hîndekarê Zanîngeha Enqereyê Prof. Dr. Ozgur Aydin da zanîn ku ji bo pêşîlêgirtina tunebûna zimanan, perwerde girîng e û wiha got: “Ji bo ku zimanek bikare xwe li ser pêyan bigire û civakî bibe, ji ewilî divê ew ziman bibe zimanê perwerdeyê.”
	
		&nbsp;
	
		* Endamê Şaxa Komîsyona Girtîgehan ê ÎHD’ê ya Amedê Ercan Yilmaz anî ziman ku neçareserkirina pirsgirêkên li girtîgehan, cisaretê dide karmendên înfazê û xwest ku partiyên muxalîf vê mijarê têxin rojeva xwe.
	
		&nbsp;
	
		* Derheqê polîsê bi navê Serdar G. ku kûçik berdabûn ser Menîce û Şeyhmûs Yilmaz û birîndar kiribûn, bi îdiaya “bênezaketî tevgeriyaye” lêpirsîna hatibû destpêkirin. Lê di encamê vê lêpirsînê de tu cezayek nedan polîs G. Derheqê Serdar G. de bi daxwaza cezayê 7 sal û 6 mehan doz hate vekirin.&nbsp;
	
		&nbsp;
	
		* Nobeta Edaletê ya Malbata Şenyaşar di roja 349’emîn de berdewam dike.&nbsp;
	
		&nbsp;
	
		* TJA dê deklarasyona 8’ê Adarê li Dava Kafe ya Amedê bi daxuyaniyekê ragihîne. (11.00)&nbsp;
	
		&nbsp;
	
		* Rêxistina Bajêr a HDP’ê ya Mêrsînê dê bi tevlibûna Hevseroka Giştî ya HDP’ê Pervîn Buldan, li eywaneke bajêr 4’emîn Kongreya Awarte li dar bixe. (11.30)
	
		&nbsp;
	
		* Platforma Ked û Demokrasiyê ya Amedê, bi munasebeta Roja Zimanê Dayikê ya Cîhanê dê li Qada Şêx Seîd daxuyaniyekî bide. Platform, piştre jî dê li Şaxa Egîtîm Sen a Hejmar 1’ê panelekî bide. (13.00/15.00)
	
		&nbsp;
	
		* Nobeta Edaletê ya ku malbatên girtiyan li Baroya Amedê dabû destpêkirin, di roja 97’emîn de berdewam dike. (13.00-16-00)
	
		&nbsp;
	
		* HDP, Komeleya Lêkolînên Kurd û Tora Çand û Ziman a Kurd, di çarçoveya Roja Zimanê Dayikê ya Cîhanê de dê li avahiyên HDP’ê yên Esenyurt, Zeytînburnu û Sultanbeyliyê foruman li dar bixe. (15.00)
	
		&nbsp;
	
		* Hevseroka Giştî ya HDP’ê Pervîn Buldan dê biçe serdana HDP’a Yuregîrê ku rastî êrişê hatibû. (17.00)
	
		&nbsp;
	
		* Înîsiyatîfa Malbatên Pirsûsê dê bi munasebeta 79’emîn meha Komkujiya Pirsûsê de li Cadeya Halîtaga a Kadikoyê bên cem hev. (18.00)
	
		&nbsp;


	&nbsp;