
Şaxa OHD’a Îzmîrê rêveberiya xwe ya nû hilbijart

2022-02-26 17:09:47


	&nbsp;

	ÎZMÎR - Şaxa OHD’a Îzmîrê 2’yemîn Kongreya Awarte li dar xist. Di kongreyê de bal kişandin ser tecrîda li ser Rêberê PKK’ê Abdullah Ocalan û polîtîkayên şer.&nbsp;

	&nbsp;

	Şaxa Komeleya Hiqûqnasên ji bo Azadiyê (OHD), îro 2’yemîn Kongreya Awarte li Eywana Konferansan a Baroya Îzmîrê li dar xist. Pankartên “Peymana Stenbolê dide jiyîn”, “Bila li gorî Rêzikên NY Mandela û pêşniyarên CPT’yê tevbigerin. Dawiyê li tecrîdê bînin”, “Denîzek diçe û li şûna wê hezar Denîz tên”, “Girtiyên nexweş, rûmeta me ne”, “Bila Komkujiya Roboskê bêceza nemîne”, “Edalet ji Malbata Şenyaşar re” û “Bila cînayetên kiryarnediyar bên zelalkirin” li eywanê hatibûn daliqandin. Di heman demê de wêneyên Tahir Elçî, Orhan Dogan, Ceylan Onkol, Ugur Kaymaz û Denîz Poyraz jî li eywanê hatibûn hilayîstin. Lijneya Giştî, di şexsê Aysel Tugluk de kongre diyarî hemû girtiyên nexweş kir.&nbsp;

	&nbsp;

	KEMALBAY: EM Ê BI HEV RE BIKIN

	&nbsp;

	Piştî rêzgirtinê, parlamentera HDP’ê Serpîl Kemalbay axivî û got ku di serdemekî faşîzmê xwe sazûman kiriye de parêzeran tu carî serî netewand. Kemalbay, da zanîn ku hebûna OHD’ê ji bo aştî û demokrasiyê gelek girînge û wan bi saya vê piştevaniyê tu caran xwe bi tenê hîs nekirine.&nbsp;

	&nbsp;

	‘LI HEMÛ CIVAKÊ TECRÎD TÊ FERZKIRIN’

	&nbsp;

	Hevseroka Şaxa OHD’a Îzmîrê Şukran Ozturk jî di kongreyê de axivî û destnîşan kir desthilatdariya siyasî, bi dijminane nêzî hemû derdorên muxalîf dibe. Ozturk, wiha berdewam kir: “Bi bidawîkirina pêvajoya çareseriyê re birêz Ocalan, xistin tecrîdeke bêeman ku tecrîdeke wiha li tu devereke din a cîhanê nîne. Piştre jî ev tecrîd li ser girtiyan û bi pandemiyê re jî li ser hemû civakê ferz kirin. Aqil û wijdan di vê desthilatiyê de nemaye. Tevî hemû hewldanên me jî, binpêkirinên li girtîgehan domand û girtiyên nexweş terkî mirinê kirin.”&nbsp;

	&nbsp;

	‘EM LI GEL BINDESTAN E’

	&nbsp;

	Piştre jî Hevseroka Giştî ya OHD’ê Îlknûr Alcan axivî û bal kişand ser dozên girtina HDP’ê û ya Kobanê. Alcan, diyar kir ku desthilatdarî dixwaze bi destê darazê, siyaseta kurd tesfiye bike û wiha domand: “Bi ya min, berpirsyariyekî mezin dikeve stûyê me jî. Ji roja damezirandinê heta niha OHD, ji Kurdistanê heta Stenbolê li dijî gelek pirsgirêkan têkoşiya. Li gel mafên hemû bindestan bû û bi pirsgirêkên wan re mijûl bû. Em soz didin ku dê ji niha û pê de jî li gel wan bin.”&nbsp;

	&nbsp;

	Her wiha nûnerên Komeleya Hiqûqnasên Hemdem, ÎHD û saziyên din jî di kongreyê de axivîn. Piştre jî nameya Hevserokê Giştî yê HDP’ê yê berê Selahattîn Demîrtaş hat xwendin.&nbsp;

	&nbsp;

	RÊVEBERIYA NÛ HAT HILBIJARTIN

	&nbsp;

	Kongre, bi pêşandana sînevîzyoneke ku xebatên OHD’ê vedigot berdewam kir. Piştre raporên çalakî û darayî hatin xwendin û erêkirin. Herî dawî jî ji bo rêveberiya nû, hilbijartin hat kirin.&nbsp;

	Rêveberiya nû ya Şaxa OHD’a Îzmîrê wiha ye: Eylem Zengîn, Halîl Coşkun, Ozcan Sarioglu, Serhat Can, Sozdar Ortaç, Şûkran Ozturk û Velat Zeren.

	&nbsp;

	Hevserokên komeleyê jî dê di encama civîna navxweyî ya rêveberiya nû de bên diyarkirin.&nbsp;

	&nbsp;