
Aydenîz: Rêya aştiyê di Îmraliyê re derbas dibe 

2022-03-08 14:51:23


	&nbsp;

	ÊLIH - Di mitînga 8’ê Adarê ya Êlihê de jin bi dowîz û dirûşman herikîn qadê. Qada mitîngê bi cil û bergên rengîn ên jinan xemilî. Jinan, di peyamên xwe de azadî ji girtiyên nexweş re xwestin. Hevseroka DBP'ê Salîha Aydenîz da zanîn ku rêya aştiyê di Îmraliyê re derbas dibe. &nbsp;

	&nbsp;

	Jinên Êlihî di 8’ê Adarê Roja Jinan a Cîhanê de li qada mitîngê hatin ba hev. Mitîng, bi pêşengiya Tevgera Jinên Azad (TJA) û Meclisa Jinan a Partiya Demokratîk a Gelan (HDP) ve hate organîzekirin. Mitîng dê saet di 12.00’an de dest pê bikira lê jinên Êlihî bi saetan beriya destpêkirina mitîngê herikîn qadê.&nbsp;

	&nbsp;

	Her wiha endam û rêveberên Meclisa Dayikên Aştiyê ya Êlihê, rêxistinên HDP û DBP’ê, Şaxa Komeleya Mafên Mirovan (ÎHD), pêkhateyên KESK’ê, Komeleya Piştevaniya bi Malbatên Girtî û Hikûmxwaran re (TUAY-DER) û gelek rêxistinên civaka sivîl jî tevî bi hezaran jinên Êlihî bi cil û bergên xwe yên rengîn li qada mitîngê amade bûn. Hejmara jinan a li mitîngê her ku diçe zêdetir dibe. Li dika mitîngê, dirûşma pîrozbahiyên îsal a “Dem Dema Azadiya Jinan e” hatibû hilayîstin.&nbsp;

	&nbsp;

	
	&nbsp;

	
		PEYAMÊN JINAN
	
		&nbsp;
	
		Jin, bi flameyên kesk, sor û zer, xemrî û spî hatin qada mitîngê. Jinan, peyamên xwe bi pankart, dowîz û lolîpopan dan. “Bijî berxwedana jinan”, “Êdî bes e, dem dema azadiyê ye”, “Çi bi Gulistan Doku bû?” û “Azadî ji girtiyên nexweş re” çendek ji van peyaman bûn. Di heman demê de jinan alên ku li ser “Jin, jiyan, azadî” hatibûn nivîsandin hejandin û dirûşmên “Jin, jiyan, azadî” û “Girtiyên nexweş rûmeta me ne” berz kirin.&nbsp;
	
		&nbsp;
	
		Coşa mitîngê her ku diçe geştir dibe û tê payîn ku Hevseroka Partiya Herêmên Demokratîk (DBP) Saliha Aydenîz û parlamentera HDP’ê ya Êlihê Feleknas Uca di mitîngê de biaxivin.&nbsp;
	
		&nbsp;
	
		Hevşaredara Êlihê ya qeyûm tayînî şûna wê hat kirin Songul Korkmaz xivî û wiha got:"Li dijî zihniyeta Peymana Stenbolê fesh kir em îro li qadan e. Kes nikare Peymana Stenbolê û sîstema me ya hevserokatiyê krîmînalîze bikin."
	
		&nbsp;
	
		Pişt re mitîngê bi stranên Koma Rîtmên Azadiyê dewam kir û jinan govend gerand.&nbsp;
	
		&nbsp;
	
		Dû re Endama Meclîsa Partiyê ya DBP'ê Nurten Uzumcu nameya Tifaqa Jinan ya Demokratîk a Bakurê Efrîkayê û Rojhilata Navîn (NADA) xwend. Di nameyê de jinan bal kişandin ser êrişên dewletê yên sîstematîk ên li ser jinên kurd.&nbsp;
	
		&nbsp;
	
		Parlamentera HDP'ê Feleknas Ûca jî axivî û wiha got:"Jinên cîhanê feyza têkoşînê ji jinên kurd digirin. Her wiha ji bo rêya aştiyê vede divê deriyên Îmraliyê vebe. "
	
		&nbsp;
	
		Piştî axaftina Ûca hunermend Ozlem Baglayan derket ser dikê û strî.&nbsp;
	
		&nbsp;
	
		'RÊYA AŞTIYÊ DI ÎMRALIYÊ RE DERBAS DIBE'&nbsp;
	
		&nbsp;
	
		Hevseroka Giştî ya DBP'ê Saliha Aydeniz derket ser dikê axivî û diyar kir ku dê jin dev ji rengê xwe bernedin û wiha got:"Jinan bi berdêla da destkeftiyên xwe bi dest xistin. Ji bo van destkeftiyana jin niha li qadan e." Akdenîz destnîşan kir ku rêya aştiyê di Îmraliyê re derbas dibe.
	
		&nbsp;
	
		Mîting piştî axaftinan bi stranên hunermendan bi dawî bû.&nbsp;


	&nbsp;