
Peyamên Newrozê dan û govenda Newrozê gerandin  

2022-03-10 13:34:20


	AMED - Lîderên partiyên kurd di starta pîrozbahiyên Newroza 2022’yan de peyaman dan û pişt re govend Newrozê gerandin.&nbsp;

	Starta Newroza îsal a bi dirûşma “Dem dema serkeftinê ye” dê bê lidarxistin, li Amedê bi xwendina deklarasyonê hat dayîn. Li Hotêla Demir a li navçeya Sûrê deklarasyon hat dayîn. Di deklarasyonê de girîngiya Newrozê a ji bo kurdan û dîroka wê raborî hat destnîşankirin û hat gotin dê wê gelê kurd bi Newrozê re xwe li derdora azadiyê bike xelek.&nbsp;

	&nbsp;

	Lîderên partiyên kurd ên Xebata Tifaqa Kurdistanî ku deklarasyonê ragihandin, piştî daxuyaniyê yek bi yek axivîn û peyamên derbarê girîngiya Newrozê de dan.&nbsp;

	&nbsp;

	SANCAR: AGIRÊ NEWROZÊ GUR BIKIN&nbsp;

	&nbsp;

	Hevserokê Giştî yê HDP’ê Mîthat Sancar axivî û destnîşan kir ku dê Newroza 2022’yan bibe Newroza sala fînalê û xwest gelê kurd û gelên Tirkiyê biherikin qadên pîrozbahiyên Newrozê û agirê Newrozê li her deverê hil bikin û gûr bikin.&nbsp;

	&nbsp;

	ÇÎFTYUREK: AZADIYA OCALAN PIRSGIRÊKA ME HEMÛYAN E&nbsp;

	&nbsp;

	Serokê Partiya Komunist a Kurdistanê (KKP) Sînan Çîftyurek jî axivî û bal kişand ser girîngiya Newrozê ji bo gelê kurd û gelên Rojhilat Navîn û got divê di Newroza 2022’yan de daxwaza zimanê kurdî bibe zimanê perwerdehiyê û fermî li her deverê olan bide. Çîftyurek destnîşan kir ku heta niha HDP’ê û DBP’ê tenê azadiya Ocalan dihat daxwazkirin lê Xebata Tifaqa Kurdistanî jî azadiya Ocalan diparêz e û got: “Parastina azadiya Ocalan pirsgirêka me hemûyan e.”&nbsp;

	&nbsp;

	Serokê Giştî yê Partiya Azadiyê Ayetullah Aşitî jî axivî û destnîşan kir ku Newroz remzeya azadiyê ye.&nbsp;

	&nbsp;

	TJA: WÊ BIBE NEWROZA AZADIYA JINAN&nbsp;

	&nbsp;

	Emel Temel jî li ser navê TJA’yê axivî û diyar kir ku dê Newroza îsal bibe Newroza azadiya jinan û dê sedsala 21’emîn bibe sedsala kurd û jinan.

	&nbsp;

	GIRÎNGIYA ZIMANÊ ZIKMAKÎ&nbsp;

	&nbsp;

	Serokê Giştî yê Komeleya Kurdên Demokratîk ên Şoreşger (DDKD) Mehmet Veysi Askar jî da zanîn ku Newroz rojek dîrokî ye û got: “Divê em li qadên Newrozê daxwaza ku zimanê kurdî bibe zimanê perwerdehî û fermî bikin û dengê vê daxwazê bilind bibe.”&nbsp;

	&nbsp;

	SEDSALIYA AZADIYÊ&nbsp;

	&nbsp;

	Hevserokê Giştî yê DBP’ê Keskîn Bayindir jî anî ziman ku ew ê bi Newroza 2022’yan re sedsalê bikin sedsala azadiya gelê kurd û ji ber vê ew dibêjin dem dema azadî û serkeftinê ye.&nbsp;

	&nbsp;

	GOVENDA NEWROZÊ GERANDIN&nbsp;

	&nbsp;

	Piştî axaftinan hevserok, serok û nûnerên partiyên siyasî yên beşdarî civînê bûn û li ber muzîkê govenda Newrozê gerandin.

	&nbsp;

	&nbsp;