
Greva birçîbûnê ya li Girtîgeha Tekîrdagê bi dawî bû   

2022-03-16 16:41:06


	&nbsp;

	TEKÎRDAG - Girtiyên li Girtîgeha Tekirdagê ku ji 17'ê Çileya 2022'an ve li dijî binpêkirinên mafan dest bi greva birçîbûnê kiribûn, bi dawî bû.&nbsp;

	&nbsp;

	Li Girtîgeha Tekirdagê ya Jimara 2'yan a Tîpa F'yê di 19'ê Kanûna 2021'an de Vedat Erkmen bi awayekî gumanbar jiyana xwe ji dest dabû û piştî vê gardiyanan êriş biribû ser girtî Yasîn Emeç. Bi vê re girtiyan dest bi greva birçîbûnê kiribû. Girtî Ahmet Arîf Yoyler, Habîb Guler, Tûfan Îlbaş, Huseyîn Karadaş û Suleyman Ûcakan di 17'ê Çileya 2022'yan de dest bi greva birçîbûnê ya bê dem û bê dorveger kiribûn. Di 1'ê Sibatê de jî Şahabettîn Ogut, Îlyas Yorgûn û Ahmet Altay dest bi çalakiya greva birçîbûnê kiribûn. Di 16'ê Sibatê de jî Ahmet Surme, Kutbettîn Onûr û Yûnûs Konak jî daxilî nava grevê bûbûn. Çalakiya greva birçîbûnê ya girtiyan di roja 58'emin de bi dawî bû.

	&nbsp;

	Hat zanîn ku Serdozgeriya Girtîgeha Tekirdagê bi girtiyan re hevdîtin pêk aniye û diyar kiriye ku dê daxwazên girtiye bînin cih û piştî vê hevdîtinê girtiyan çalakiya xwe bi dawî kirin.&nbsp;

	&nbsp;