
Şêniyên Rihayê: Em ê di Newrozê de azadiya Ocalan daxwaz bikin 

2022-03-17 09:08:59


	RIHA - Şêniyên Rihayê diyar kirin ku ew ê di Newrozê de azadiya Ocalan daxwaz bikin û ew ê jî wek Kawayê Hesinkar agirê serkeftinê vêxin.&nbsp;

	Li Rihayê amadekariyên pîrozbahiya Newroza bi dirûşma “Dem dema serkeftinê ye” dê bê lidarxistin. Pîrozbahiyên Newrozê dê di 19’ê mehê de li navçeya Pirsûsê, di 20’ê mehê de li navenda Rihayê û di 21’ê mehê de jî li navçeya Wêranşarê bê lidarxistin. Newroza Rihayê dê li Stadyuma 11’ê Nîsanê were lidarxistin.&nbsp;

	&nbsp;

	‘EM Ê BIBIN LEHÎ’&nbsp;

	&nbsp;

	Yusuf Berk ê 81 salî ku 25 li bajêr tevli pîrozbahiyan dibe diyar kir ku ew ê bibin lehî û biherikin qada Newrozê û banga tevlibûnê li xelkê Rihayê kir.

	&nbsp;

	‘NEWROZA AZADIYÊ’&nbsp;

	&nbsp;

	Muhammet Uygur (48) jî anî ziman ku ew dixwaze tevahiya xelkê Rihayê biherikin qada Newrozê û govenda aazadiyê bigirin.&nbsp;

	&nbsp;

	‘DÊ LI DIJÎ ZILMÊ RABIN’&nbsp;

	&nbsp;

	Ramazan Karakuş (46) jî got ew ê tevli Newrozê bibin û çawa ku Kawayê Hesinkar li dijî zilmê serî hilda dê ew jî li dijî zilmê derkevin.&nbsp;

	&nbsp;

	‘EM Ê AZADIYA OCALAN DAXWAZ BIKIN’&nbsp;

	&nbsp;

	Muhammed Şîmşek (60) jî diyar kir ku ew her sal bi malbata xwe re tevli Newrozê dibe û got: “Newroz ji Kawayê Hesinkar wek mîras ji bo me maye. Em ê li qada Newrozê azadiya Ocalan daxwaz bikin. Em dixwazin zilma li ser gelê me bi dawî bibe.”&nbsp;

	&nbsp;

	‘DÊ BIBE NEWROZA AŞTIYÊ’&nbsp;

	&nbsp;

	Naîle Kaplan (50) jî da zanîn ku ew ê bi cilên xwe rengîn tevli Newrozê bibe û dê ev Newroz ji bo wan bibe Newroza serkeftinê û aştiyê.&nbsp;

	&nbsp;

	‘EM Ê SERKEFTINA XWE RAGIHÎNIN’&nbsp;

	&nbsp;

	Xezal Çam (53) jî anî ziman ku ew dixwazin ev Newroz bibe wesîleya aştiyê û çawa ku Kawayê Hesinkar bi agirê vêxist serkeftina xwe ragihand dê ew jî bi vêxistina agirê Newrozê serkeftina xwe ragihînin.&nbsp;

	&nbsp;

	‘EM Ê BI RENGÊ XWE TEVLI BIBIN’&nbsp;

	&nbsp;

	Berfîn Çîçek (23) jî destnîşan kir ku Newroz ji bo wê tê wateya têkoşîn û berxwedanê û ev Newroz ji bo wan girîng e û dê bi tîlîlî û reng û daxwazên xwe tevli pîrozbahiya Newrozê bibin.&nbsp;

	&nbsp;

	‘DÊ BIBE RESMÊ TÊKÇÛNA ÎKTIDARÊ’&nbsp;

	&nbsp;

	Muhsin Aydogdu (24) jî ew ê bi tevlibûna xwe û resmê nîşan bidin dê bibe têkbirina îktidarê û xwest li Rihayê her kes tevli pîrozbahiya Newrozê bibe.&nbsp;

	&nbsp;

	BERNAME&nbsp;

	&nbsp;

	Cîgira Seroka Koma HDP’ê Meral Daniş Beştaş, Serokê Giştî yê Partiya Komunist a Kurdistanê (KKP) Sînan Çîftyurek, Parlamenterê HDP’ê Nusettîn Maçîn dê wek axiver tevli pîrozbahiyê bibin. Hunermend Rojda, Erdogan Emîr û Koma Hevra jî dê derkevin ser dika Newrozê û stranan bistrin.&nbsp;

	&nbsp;

	MA / Emrûllah Acar

	&nbsp;

	&nbsp;

	&nbsp;