
Li Silopiya û Dîlokê amadekariyên Newrozê didomin  

2022-03-17 14:31:20


	&nbsp;

	NAVENDA NÛÇEYAN - Li navçeya Silopiyayê û Dîlokê amadekariyên pîrozbahiya Newrozê berdewam dikin. Rêxistinên HDP’ê ya Silopiya û Dîlokê banga tevlibûna pîrozbahiyê li xelkê kirin.&nbsp;

	&nbsp;

	Ji pîrozbahiya Newrozê re çend roj mane û gund bi gund, tax bi tax, navçe bi navçe û bajêr bi bajêr xebat û amadekarî bênavber berdewam dikin. Li navçeya Silopiya ya Şirnexê û li Dîlokê banga tevlibûna pîrozbahiyan li xelkê hat kirin.&nbsp;

	&nbsp;

	Li navçeya Silopiya ya Şirnexê ku wê di 20’ê adarê de pîrozbahiya Newrozê were lidarxistin, amadekarî berdewam dikin. Rêxistina Partiya Demokratîk a Gelan (HDP) a Navçeya Silopiya bang li xelkê Silopiyayê kir ku biherikin qada Newrozê û tevli pîrozbahiyê bibin. Parlamenterê HDP’ê Huseyîn Kaçmaz, Dayikên Aştiyê û rêveberên HDP’ê li navçeyê serdana gel kirin û vexwendin pîrozbahiya Newrozê.&nbsp;

	&nbsp;

	Hevseroka Rêxistina HDP’a Silopiyayê Asuman Kulter diyar kir ku ew îsal Newrozê bi kelecaneke cuda pîroz dikin û ev bang kir: “Em îsal bi dirûşma ‘Dem dema azadiyê û serkeftinê ye’ Newrozê pîroz dikin. Bi vê mebestê em bang li hemû gelê Silopiyayê dikin ku 20’ê adarê biherikin qada Newrozê. Newroz pîroz be, bijî Newroz.”

	&nbsp;

	Pîrozbahî dê li Qada Newrozê were lidarxistin û Parlamenterê HDP’ê yê Şirnexê Hasan Ozguneş û hunermend Cevdet Bagca, Hîvron û Batman Kolektîf dê tevli pîrozbahiyê bibin.&nbsp;

	&nbsp;

	DÎLOK&nbsp;

	&nbsp;

	Li Dîlokê jî dê di 20’ê Adarê de li Qada Newrozê pîrozbahî bê lidarxistin. Parlamenterê HDP’ê yê Dîlokê Mahmût Tugrul û Endama Meclisa Jinan a HDP’ê Gulcîhan Şîmşek dê wek axiver tevli bibin û hunermend Mîkaîl Aslan û Şerzat dê konser bidin.&nbsp;

	&nbsp;

	Rêveberên HDP’ê diyar kirin ku Newroz remza berxwedan û azadiyê ye û ew bi ruhê Mazlûman hemû kesî vedixwînin pîrozbahiya li bajêr.&nbsp;

	&nbsp;

	&nbsp;