
Qoser ji pîrozbahiya Newrozê re amade ye

2022-03-18 10:31:18


	&nbsp;

	MÊRDÎN - Endamên Komîteya Amadekar a Newroza Qoserê diyar kir ku amadekariyên wan temam bûne û ji bo pîrozbahiya sibê banga beşdariyê li xelkê navçeyê kirin.&nbsp;

	&nbsp;

	Li navçeya Qoserê ya Mêrdînê sibê pîrozahiya Newrozê li Qada Otogarê tê lidarxistin. Komîteya Amadekar a Newroza Qoserê ragihand ku amadekariyên pîrobahiya wan temam bûye. Hevşaredarê Bajarê Mezin ê Mêrdînê Ahmet Turk ê qeyûm danîne şûna wî û gelek siyasetmedar beşdarî pîrozbahiya Newrozê dibin. Endamên Komîteya Amadekar banga tevlibûna pîrozbahiyê li xelkê navçeyê kirin.&nbsp;

	&nbsp;

	Endamê Komîteya Amadekar Mahmut Damar da zanîn ku ji bo gelê Qoserê Newroz tê wateya serkeftin û azadiyê û ew bi hestên germahiya Newrozê xwelkê navçeya xwe vedixwînin pîrozbahiyê.&nbsp;

	&nbsp;

	BI RUH Û KELECANA SALÊN 90’Î&nbsp;

	&nbsp;

	Ji endamên Komîteya Amadekar Aysel Ayav jî banga tevlibûnê li xelkê Qoserê kir ku sibê bi ruhê berxwedan û azadiyê biherikin qada Newrozê û got: “Îro jî wî ruhê Newrozên salên 90’î heye û geş e. Ew ruh didome. Em gelê xwe bi ruh û kelecana salên 90’î vedixwînin qada Newrozê.”&nbsp;

	&nbsp;

	AMADEKARÎ TEMAM BÛNE

	&nbsp;

	Ji endamên Komîteya Amadekar a Newrozê Mehemt Fatîh Ozturk jî diyar kir ku amadekariyên wan Newrozê temam bûne û ew li benda xelkê xwe ne ku bi girseyek zêde tevli pîrozbahiyê bibin û pîrozbahiyek xweş li dar bixin.&nbsp;

	&nbsp;

	&nbsp;