
Nobeda Edaletê ya Wanê: Em tecrîdê qebûl nakin 

2022-03-27 16:07:53


	&nbsp;

	WAN - Hevserokê HDP'a Artemêtanê Tahîr Şen ku di Nobeda Edaletê ya Wanê de axivî û diyar kir ku tecrîda li ser Rêberê PKK'ê Abdullah Ocalan qebûl nakin.&nbsp;

	&nbsp;

	Nobeda Edaletê ya malbatên girtiyên nexweş û girtiyên ku înfaza wan hatiye şewitandin û nayên berdan li Baroya Wanê dane destpêkirin di roja 101'emîn de berdewam dike. Nobeda îro hevjîna Ebedîn Abî ku 26 sal in li Girtîgeha Tîpa T a Bunyanê ya Qeyseriyê girtî ye Zubeyde Abî û xwişka Fûat Bor ku 28 sal in li Girtîgeha Tîpa T a Karabukê girtî ye Nûrcan Bor berdewam kirin. Rêveberên Rêxistina HDP'ê ya Navçeya Artemêtanê îro serdana nobedê kirin.&nbsp;

	&nbsp;

	'BILA GIRTIYÊN NEXWEŞ BÊN BERDAN'

	&nbsp;

	Hevserokê HDP'a Artemêtanê Tahîr Şen, di civînê de axivî û diyar kir ku li welat hiqûq li holê nemaye û wiha got: "Em piştgiriya nobeda edaletê dikin. Em ê timik bi malbatan re bin. Îro li welat bi hezaran mirov li edaletê digerin. Mixabin li hiqûq ji holê rabûye. Em careke din ji vir bangî rayedaran dikin; divê girtiyên nexweş û girtiyên ku înfaza wan hatine şewitandin demildest bên berdan. Em tecrîda li Îmraliyê jî qebûl nakin û tecrîda ku li Îmraliyê li Ocalan tê kirin şermezar dikin. Divê CPT û Yekitiya Ewropa ji tecrîda li ser Ocalan re bibêjin, 'êdî bes e'. Divê parêzer û malbata Ocalan pê re hevdîtin bikin. Weke gelê kurd em vê tecrîdê qebûl nakin."

	&nbsp;