
Li gundê Amarayê şitil hatin danîn

2022-04-04 10:45:39


	&nbsp;

	&nbsp;

	RIHA - Koma ewil a meşa ber bi Amarayê ve xwe gihand gundê Amarayê. Şandeyê, bi munasebeta 73’emîn rojbûna Rêberê PKK’ê Abdullah Ocalan, li Taxa Vanha ku li qeraxê Çemê Feratê ye şitlên zeytûnan çandin.&nbsp;

	&nbsp;

	Bi munasebeta 73’yemîn rojbûna Rêberê PKK’ê Abdullah Ocalan, ji her deverên bakurê Kurdistanê û Tirkiyeyê welatî ber bi gundê Amara yê Xelfetî ya Rihayê ve ketin rê. Koma destpêkê ya meşê xwe gihandin taxên li derdora Taxa Amarayê. Şandeyeke ku ji parlamentera Partiya Demokratîk a Gelan (HDP) a Rihayê Ayşe Surucu, rêveberên Rêxistina HDP’ê ya Xelfetiyê û endamên Partiya Herêmên Demokratîk (DBP) pêk dihat, di çarçoveya pîrozbahiyên rojbûna Ocalan de şitlên zeytûnan danîn.&nbsp;

	

	&nbsp;

	Parlamenter Ayşe Surucu di çalakiyê de axivî. Surucu, bi domdarî bal kişand ser tecrîda girankirî ya li ser Ocalan û wiha got: “Bi tecrîda li ser Ocalan re ev gel ji aştî û azadiyê bêpar hat hiştin. Bi milyonan kes daket qad û kolanan. Daxwaza gel ew bû ku tecrîd bi dawî bibe û Ocalan azad bibe. Xelkê got ku navnîşan aştî û çareseriyê Îmrali ye. Bi wesîleya 4’ê Nîsanê em dîsa bang li rayedarên dewletê dikin; tecrîdê rakin û mercên azadiya Ocalan amade bikin. Çareseriya pirsgirêka kurd, bi Ocalan pêkan e. Hêvîdarim ku 73’yemîn rojbûna Ocalan bibe wesîleya aştiya Rojhilata Navîn û vî welatî.”&nbsp;

	&nbsp;

	Di dema çandina şitlan de girseyê bi yek dengî dirûşma “Rojbûna te pîroz be ey Serok Apo” berz kirin.&nbsp;

	&nbsp;

	Di heman demê de ji Amedê heta Mêrdîn, Şirnex, Wan, Colemêrg, Edene û Mêrsînê, ji gelek bajarên din jî welatî ber bi Amarayê ve tên.

	&nbsp;