Nivîskarê ermenî Migirdîç Margosyan hat definkirin  

2022-04-07 19:12:36


	 

	STENBOL - Cenazeyê nivîskarê ermenî Migirdîç Margosyan hat definkirin. 

	 

	Cenazeyê nivîskarê ermenî Migirdîç Margosyan hat veşartin. Ji bo cenazeyê Margosyan ê di 2'yê Nîsanê de jiyana xwe jid est dabû, li Dêra Meryem Ana ya li Kûmkapaniyê merasîmek hat lidarxistin. Malbata Margosyan, hevalên wî, nivîskar, wênesaz, gelek rojnamevan, parlementerên HDP'ê Zuleyha Gulum û Garo Paylan, Serokê Giştî yê EMEP'ê Ercument Akdenîz, Serokwekîlê Koma CHP'ê Ozgur Ozel, parlementerên CHP'ê Sezgîn Tanrikûlû û Tûran Dogan û Seroka CHP'ê ya Stenbolê Canan Kaftancioglû tevli merasîmê bûn. 

	 

	Cenazeyê Margosyan piştî merasîmê ber bi Goristana Ermeniyan a Şîşliyê ve hat birêkirin. Li vir qederekê dua hatin kirin. Piştî duayan cenazeyê Margosyan li ser milan heya cihê lê bê definkirin hat veguhastin. Li vira kesên tevli merasîmê bûn kulîlk xistin hundirê gora Margosyan.