
Derbarê 91 kesî de biryara binçavkirinê: Dozger û şahidê nepen heman in  

2022-04-12 13:07:55


	&nbsp;

	ENQERE - Hat zanîn ku dozgerê Doza Kobanê Ahmet Altun, operasyona binçavkirinê ya îro ku navenda wê Enqere ye û hat lidarxistin bi rê ve dibe. Hat diyarkirin ku operasyon li ser beyanên heman şahidê nepen hatiye kirin.&nbsp;

	&nbsp;

	Di çarçoveya lêpirsîna ji aliyê Serdozgeriya Komarê ya Enqereyê ve hat destpêkirin, li 13 bajaran derbarê 91 kesan de biryara binçavkirinê hat dayîn. Hat diyarkirin ev operasyona binçavkirinê di bin navê “Lêpirsîna Kobanê” de hatiye destpêkirin û heta niha 46 kes hatine binçavkirin.&nbsp;

	&nbsp;

	SPARTINA BEYANÊN HEMAN ŞAHIDÊ NEPEN&nbsp;

	&nbsp;

	Hat zanîn ku lêpirsîn ji aliyê dozgerê Doza Kobanê Ahmet Altun ve tê birêvebirin. Hat ragihandin ku biryara veşartina dosyeya lêpirsînê hatiye dayîn. Hat diyarkirin ku lêpirsînê spartina beyanên şahidê nepen “Ulaş” ku berê jî beyanên wî di Doza Kobanê de hene.&nbsp;

	&nbsp;

	DERBARÊ TUNCEL DE JÎ BIRYARA BINÇAVKIRINÊ HATIYE DAYÎN!&nbsp;

	&nbsp;

	Hat zanîn ku di çarçoveya lêpirsînê de derbarê Hevserokên Giştî yên DBP’ê yên berê Sebahat Tuncel, Emine Ayna û Kamuran Yuksek biryara binçavkirinê hatiye dayîn. Sebahat Tuncel ji Doza Kobanê tê girtin. Emîne Ayna jî ji Doza Kobanê di danişîna 3’yemîn de hatibû berdan. Hat zanîn ku 21 kesên derbarê wan de biryara binçavkirinê heye, li derveyî welat in.&nbsp;

	&nbsp;

	MA / Zemo Aggoz&nbsp;

	&nbsp;