
Rojnamevan Kadrî Esen hat berdan    

2022-04-16 11:44:16


	&nbsp;

	AMED - Xwediyê Îmtiyazê yê rojnameya Xwebûnê û rojnamevan Kadri Esen piştî ifade da Midûriyeta Polîsan hat berdan.&nbsp;

	&nbsp;

	Xwediyê Îmtiyazê yê rojnameya Xwebûnê û rojnamevan Kadrî Esen duh di çarçoveya lêpirsînek ji aliyê Serdozgeriya Komarê ya Amedê ve hatibû destpêkirin, di serdegirtina malê de hatibû binçavkirin. Esen îro li Midûriyeta Polîsan a Amedê îfade da û pişt re hat berdan. Tevî ku di daxuyaniya dozgeriyê hatibû gotin lêpirsîn di çarçoveya “Newrozê” de hatiye birêvebirin jî lê polîsan “tawanbarî-sûcdariya” parvekirina nûçeyên Esen ên di Facebookê de araste kirin.&nbsp;

	&nbsp;

	Di îfade girtinê de ji Esen parvekirinên wî yên Facebookê yên di sala 2016’an de ku derbarê qedexeyên derketina derve ya li navçeya Dêrika Mêrdînê û navçeya Hezexa Şirnexê jê hatin pirsîn. Her wiha parvekirinên wî yên li ser medya dîjîtal ên derbarê Hevseroka Kongreya Civaka Demokratîk (KCD) Leyla Guven a girtî de jî hatin pirsîn.

	&nbsp;

	Esen di îfadeya xwe de destnîşan kir ku parvekirinên wî yên li ser medya dijital di çarçoveya xebatên rojnamevaniyê de kiriye.&nbsp;

	&nbsp;

	Esen piştî îfade da û kontrola tenduristiyê ya li nexweşxaneyê hat berdan.&nbsp;

	&nbsp;

	&nbsp;