Artêşa Iraqê careke din êrişî Şengalê kir

2022-04-19 08:52:11


	 

	NAVENDA NÛÇEYAN - Artêşa Iraqê, li Şengalê êrişî nuqteyên YBŞ û YJŞ'ê yên di navbera Geliyê Şîlo û gundê Sikêniyê de kir û şerê di navbera aliyan de berdewam dike. 

	 

	Artêşa Iraqê ku hewl dide Şengalê dorpêç bike, duh li Şengalê êrişî Asayîşa Êzîdxanê kir. Leşkerên Iraqê êrşî gelê Şengalê ku xwest li pêşiya van hewldanên Artêşa Iraqê bigire jî kir. Piştî van hewldanên xwe Artêşa Iraqê, li Şengalê êrişî nuqteyên Yekîneyên Berxwedana Şengalê (YBŞ) û Yekîneyên Jinên Şengalê (YJŞ) yên di navbera Geliyê Şîlo û gundê Sikêniyê de kir. Şerê ku piştî êrişê di navbera aliyan de derket tevahiya şevê berdewam kir. 

	 

	Şerê di navbera aliyan de berdewam dike û Artêşa Iraqê ber bi hemû deverên ku di bin kontrola YBŞ-YJŞ'ê de dest bi sewqiyata leşkerî kir. 

	 

	Li gorî nûçeyeke ku Rojnews derbas kiriye, Artêşa Iraqê li dijî Şengalê amadekariya êrişeke mezin dike. 

	 

	BI TIRKIYEYÊ RE DI HEMAN WEXTÊ DE ÊRIŞ DIKE

	 

	Balkêş e di demeke ku Tirkiye bi PDK'ê re êrişî herêmên Zap, Metîna û Avaşînê yên Herêma Kurdistanê dike de Artêşa Iraqê jî êriş dibe ser Şengalê.