Malbata Şenyaşar têkoşîna xwe ya edaletê didomîne  

2022-04-20 12:51:53


	 

	RIHA – Malbata Şenyaşar gotinên Erdogan ên berpirsiyariyê bi bîr xist û got li Tirkiyeyê kesên ku bi zilm û neheqiya li ber Edliyeya Rihayê nehesiyabin nemane.

	 

	Nobeda Edaletê ya Emîne Şenyaşar û kurê wê Ferît Şenyaşar (Malbata Şenyaşar) a ji 9’ê Adara 2021’an ve li ber Edliyeya Rihayê digire di roja 408’emîn de berdewam kir. Malbat vê sibehê jî ji navçeya Pirsûsê hat ber edliyê û dest bi nobedê kir û dovîzên ku daxwaza edaletê dikin vekirin. 

	 

	KES NEMAYE KU BI VÊ ZILMÊ NEHESIYAYE 

	 

	Malbatê li ser hesabê xwe yê medya dîjîtal bi etîketa “#BirNöbetTutAnlarsın” peyam parve kir û gotinên Tayîp Erdogan ê dema serokwezîr bû ku qala berpirsiyarê dikir bi bîr xist û wiha got: “Ew Serokwezîrê ku her tim qala berpirsiyar dikir, gelo li ku ye? Li Tirkiyeyê kesên ku bi zilm û neheqiya li ber Edliyeya Rihayê nehesiyabin nemane.”