ROJEVA 2'YÊ GULANA 2022'YAN 

2022-05-02 09:00:10


	 

	* Jinên bûn mêvanê Sifra Edaletê ya malbata Şenyaşar, diyar kirin ku Emîne Şenyaşar li ba hemû jinan berxwedanek daye der û bang li jinan kirin ku dengê malbatê bilintir bikin. 

	 

	* Ji damezirînerên Meclisa Dayikên Aştiyê Îne Akgun di çalakiyên li dijî şer de tim li refên pêş bû. Xizmên Akgun behsa wê kirin û gotin: "Hemû jiyana wê têkoşîn bû. Tu carî negot ax û serî netewand." 

	 

	* Li Bajaroka Sêgirkê ya navçeya Qilebanê cerdevanê bi navê Mahmût Babat ji bo qereqol û binkeyên leşkerî yên ku dê li Çiyayê Cûdî û herêma Bestayê bên çêkirin, hin kom ava kirine û tevî van koman daran jêdike. Cerdevan Balat, komên darbiran bi beranberiya wergirtina komîsyonekê ava kiriye.

	 

	* Endama Desteya Rêveber a Tevgera Azadî û Pêşmergeya Dêrîn Ronak Mecîd bertek nîşanî hevkariya PDK'ê ya bi dewleta Tirkiyeyê re da û wiha got: "Ev operasyon darbeya li hemberî statuya Kurdistanê ye. Lewma gere em rojeke xwe jî bê çalakî derbas nekin."

	 

	* Gulên reş ên ku di berbanga sibehê de li Xelfetiyê pelên xwe vedikin, bi xwşikahiya xwe rê li ber dîmenên efsûnî vedikin. 

	 

	* Çalakiya Nobeta Edaletê ya malbata Şenyaşar di roja 420’an de berdewam dike. 

	 

	* Rêxistinên bajar û navçeyan ên HDP’a Şirnexê dê bi dirûşma “Li dijî şer aştî û li dijî mirinan jî jiyan” dest bi “Nobeta Jiyanê” bikin. (12.00)