
Îvrendî yê piştî 30 salan ji girtîgehê derket bi girseyî hat pêşwazî kirin 

2022-05-05 21:41:01


	&nbsp;

	ÊLIH – Şîrîn Îvrendî ku piştî 30 salan ji girtîgehê derket, bi awayekî girseyî hat pêşwazîkirin.&nbsp;

	&nbsp;

	Şîrîn Îvrendî ku di sala 1992'yan de di 22 saliya xwe de li Êlihê hatibû girtin û cezayê muebedê lê hatibû birîn, îro ji Girrtîgeha Amedê ya Tîpa D'yê derket. Ji aliyê ferdên malbatê, endam û rêvebirên Komeleya Alîkariya Bi Malbatên girtiyan Re (TÛAYDER) û HDP'a Amedê li ber girtîgehê hat pêşwazîkirin.&nbsp;

	

	‘LI GIRTÎGEHÊ ZILM HEYE'

	&nbsp;

	Îvrendî, got: "Ji ber ku derketime kêfxweş im û bi kelecan im. Lê li girtîgehê hê jî hevalên me bi polîtîkaye tahdekar û zilmkar re rû bi rû ne. Divê raya giştî di vî warî de hesas be. Bi kelecan im, niha dikarim ev qasî biaxivim."&nbsp;

	&nbsp;

	BI GIRSEYÎ HAT PÊŞWAZÎKIRIN

	&nbsp;

	Îvrendî piştî pêşwazîkirina li ber girtîgehê, &nbsp;çû Êlihê. Îvrendî, li ber mala xwe ya li Taxa Saglikê bi awayekî girseyî hat pêşwazîkirin. Girseya li ber malê bi çepikan, berzkirina dirûşmeyan û bi strana "Ozgurluk Mahkûmlari" (Girtiyên Azadiyê) Îvrendî pêşwazî kirin.&nbsp;