Raportorê AP’ê yê Tirkiyeyê Amor ji bo HDP’ê peyam piştgiriyê da  

2022-05-06 15:13:10


	 

	ENQERE - Raportorê Daîmî yê Tirkiyeyê li AP’ê Nacho Sánchez Amor, êriş û provokasyona polîsan a li ser Navenda Giştî ya HDP’ê şermezar kir û peyama piştgiriyê da. 

	 

	Raportorê Daîmî yê Tirkiyeyê li Parlamentoya Ewropayê (PE) Nacho Sánchez Amor têkildarî êriş û provokasyona polîsan a li ser Navenda Giştî ya Partiya Demokratîk a Gelan (HDP), li ser hesaba xwe ya twîtterê peyamek parve kir. Amor, êriş û provokasyon şermezar kir û wiha got ku ev bûyer rewşa tirsnak a demokrasiya Tirkiyeyê radixe ber çavan. 

	 

	Amor, di peyama xwe de hesaba Navenda Giştî ya HDP’ê etîket kir û ev peyam parve kir: “Tacîz û êrişa polîsan a duh li ser parlamenter û endamên HDP’ê nayê qebûlkirin. Ev rewş, rewşa tirsnak a rêgezên demokratîk ên Tirkiyeyê radixe berçavan. Ev yek ji bo pêşerojeke nêz, îşaretên gelek xerab in.”