ROJEVA 7'Ê GULANA 2022'YAN  

2022-05-07 09:00:10


	* Omer Çeken û Huseyîn Bozkurt ku piştî 30 salan hatin berdan, diyar kirin ku ew berdana xwe weke azadî nabînin û gotin: "Sedsala 21’emîn di hêla fikirandina kesan de bûye sedsala ji çanda xwe, ji rastiya xwe û ji zimanê xwe dûrketinê."

	* Belgefîlma bi navê "Demans" dê li Êlihê bê nîşandan. Belgefîlm, behsa Heskîfa ku di bin avê de maye dike.

	* Girtî Yûnûs Okûyûcû ji bo bîranîna Denîz Poyrazê ku li avahiya HDP'ê ya Îzmîrê di êrişeke çekdarî de hatibû qetilkirin, bi navê "Bîr Denîz Tanidim" pirtûkak çîrokan çap kir. 

	 

	* Nazîme Boltan diyar kir ku bi salan e li wêneyan mêze dike û wisa Roja Dayikan pîroz dike û got: "Roja edalet bê û em bigihên zarokên xwe, em ê vê rojê pîroz bikin." 

	 

	* Wezareta Dadê, biryara DMME'yê ya ji bo betalkirina parêzbendiya parlementerên HDP'ê bi bîra dadgehê xist, lê dadgehê bi biryara "domandina darizandinê" bersiva wezaretê da. 

	 

	* Bi pêşengiya Tora Çand û Zimanê Kurdî û Platforma Zimanê Kurdî di navbera 8-16 gulanê de dê gelek partiyên siyasî, saziyên çand, ziman û pêkhateyên Torê, Cejna Zimanê Kurdî bi çalakiyên cihêreng pîroz bikin. 

	 

	* Nobeda Edaletê ya Malbata Şenyaşar dê di roja 425'emîn de berdewam bike. 

	 

	* Xizmên Girtiyan û rêveberên şaxên ÎHD'ê yên Amed û Êlihê dê çalakiya "Bila winda bên dîtin û kujer bên darizandin" li dar bixin. (12.00) ZINDÎ

	 

	* Dayikên Şemiyê dê di hefteya 893'yemîn de ji bo aqûbeta windayan bipirsin û kujer bên darizandin dê çalakiya heftane li dar bixe. (12.00)

	 

	* Hevserokên KCD û DBP'ê û parlamenterên HDP'ê têkildarî şerê li dijî axa Başûrê Kuristanê dê li ber Hotêla Oslo ya Geverê daxuyanî bidin çapemeniyê. (13.00) ZINDÎ

	 

	* Înîsiyatîfa ji Girtiyên Nexweş re Azadî ya li Enqereyê û Komîsyona Girtîgehan a ÎHD'a Stenbolê dê wek her hefte balê bikişînin ser rewşa girtiyên nexweş. (13.30)