
Dêra Sûrp Gîragosê piştî 7 salan hat vekirin  

2022-05-07 19:36:23


	&nbsp;

	AMED - Dêra Sûrp Gîragosê ku di dema qedexeyên derketina derve yên Sûrê de hatibû texrîbkirin, piştî 7 salan hat vekirin.&nbsp;

	&nbsp;

	Dêra Sûrp Gîragos a ermenan ku di dema qedexeyên derketina derve yên di sala 2015'an de li navçeya Sûrê ya Amedê hatibû texrîbkirin, piştî 7 salan hat vekirin. Parlementerê CHP'ê yê Stenbolê Sezgîn Tanrikûlû, Wezîrê Çand û Turîzmê Mehmet Nûrî Ersoy, qeyûmê Şaredariya Bajarê Mezin a Amedê Munîr Karaloglû, Serokê Dêra Sûrp Gîragosê Ergun Ayik û gelek ermeniyên ji Stenbolê, Êrivan û dîasporayê hatin tevli merasîma vekirina dêrê bûn.&nbsp;

	&nbsp;

	Di merasîma vekirinê de ewilî Serokê Dêrê Ergun Ayik axivî. Ayik qala dîroka dêrê kir û got, ew hêvî dikin ku dêr heta bi hetayê li ser pêyan bimîne.&nbsp;

	&nbsp;

	Piştî axaftinan li dêrê ayîn hat kirin û piştî 7 salan Dêra Sûrp Gîragosê hat vekirin.&nbsp;

	&nbsp;

	Tê payin ku sibê ayineke mezin li dêrê bê kirin.&nbsp;