
Di doza êrişa 5’ê Hezîranê de beraet dan polîsan  

2022-05-10 12:35:22


	&nbsp;

	AMED - Têkildarî êrişa bombeyî ya li dijî mitînga HDP’ê doz hatibû vekirin û bi sedema “di dema peywirê de terkexemî kirine”, cezayê girtîgehê li 4 polîsan hatibû birîn. Ev polîs dîsa hatin darizandin û şandeya dadgehê bi îdiaya “nabe ku polîs ji bûyerê bên sûcdarkirin” biryara beraetê da.&nbsp;

	&nbsp;

	Partiya Demokratîk a Gelan (HDP) di 5’ê hezîrana sala 2015’an de li Qada Îstasyonê ya Amedê mitîngek li dar xist û endamê DAIŞ’ê Orhan Gonder di êrişê de bombe teqand. Di êrişê de 4 kesan jiyana xwe ji dest dan û zêdetirî 200 kes jî birîndar bûn. 7 jê amir bi giştî derheqê 14 polîsan de bi sedema ku “di dema peywirê de terkexemî kirine” doz hatibû vekirin. 4’emîn Dadgeha Cezayên Asliyeyê ya Amedê bi vê sedemê 2 meh û 15 roj cezayê girtîgehê dabû 4 polîsan. &nbsp;Lê piştre polîsan îtîraz cuda cuda îtîraz kiribûn û li ser vê yekê jî 9’emîn Dadgeha Cezayên Giran a Amedê di meha sibatê de ev ceza xera kir. Dadgehê di biryara xwe ya bihincet de diyar kir ku nabe ku ji bûyerê polîs bên sûcdarkirin û ji ber ku gilêş berhev nekiribû, sûc xiste stûyê şaredariyê.

	&nbsp;

	NEHIŞTIN ROJNAMEGER BIKEVIN HUNDIR

	&nbsp;

	Piştî ku biryar hatiye xerakirin, darizandina polîsên bersûc Mefaret S., Akın D., Alî K. û Mûrat D. li 14’emîn Dadgeha Cezayên Asliye ya Amedê berdewam kir. Dadgehê nehişt ku rojnameger dozê bişopînin. Parêzerên gilîkeran Nadîde Kurul, Zeynep Işik û parêzerên bersûcan di danişînê de amade bûn. Dozger xwest ku bersûc ji ber bi sûcên pê tên tawanbarkirin, ceza bigirin.

	&nbsp;

	Parêzerên bersûcan jî xwestin ku şandeya dadgehê li gorî biryara 9’emîn Dadgeha Cezayên Giran a Amedê tevbigere. Parêzerên gilîkeran jî diyar kirin ku bila bi sedema “Di dema peywirê de terkexemî kirine” ceza li polîsan bê birîn.&nbsp;

	&nbsp;

	BERAET DAN 4 POLÎSAN

	&nbsp;

	Şandeya dadgehê jî biryara xwe ragihand û li gorî biryara 9’emîn Dadgeha Cezayên Giran a Amedê ku digot; “Şaredariyê gilêş kom nekiriye lewma bombe nehatine tespîtkirin û nabe ku polîs werin sûcdarkirin” tevgeriya û ji bo 4 polîsan biryara beraetê da.&nbsp;

	&nbsp;