
Leşker di Doza Kobanê de nahêlin parêzer miwekîlên xwe bibînin 

2022-05-12 14:18:04


	&nbsp;

	ENQERE - Di Doza Kobanê de leşkeran parêzeran asteng kir ku miwekîlên xwe bibînin. Parêzer Cahît Kirkazak got: “Ev der dadgeh e, ne qijle ye.”&nbsp;

	&nbsp;

	Danişîna 12’emîn a Doza Kobanê ku 22 jê girtî 108 kes jê tên darizandin li Dadgeha Cezayê Giran a 22’yemîn ku li Kampûsa Girtîgeha Sîncanê ya Enqereyê ye didome. Danişîna 12’emîn di roja 7’emîn de berdewam dike.&nbsp;

	&nbsp;

	Rêveberên HDP’ê û gelek parêzer beşdarî danişînê bûn. Hin siyasetmedar li danişînê amade bûn, hin siyasetmedar bi SEGBÎS’ê tev li bûn û hin siyasetmedar jî hêcet nîşan dan û tev li nebûn.&nbsp;

	&nbsp;

	Siyasetmedar û parêzer têkildarî daxwazên tehliyeyê axivîn.&nbsp;

	&nbsp;

	‘EV DER NE LEŞKERGEH E’&nbsp;

	&nbsp;

	Li qada ku parêzer bi miwekîlên xwe re hevdîtin dikin ji aliyê leşkeran ve hat astengkirin. Li ser îtîraza parêzeran serokê dadgehê got, “înîsiyatîf a leşkeran e.” Parêzer Cahît Kirkazak îtîrazê rewşê kir û vê bertekê nîşan da: “Ev der eywana dadgehê ye, ne leşkergeh e. Hûn ê biryar bidin.”

	&nbsp;

	Balkêş bû ku serokê dadgehê xwe li parêzeran hêrs kir û xwest parêzeran bêdeng bike.&nbsp;

	&nbsp;

	Pişt re siyasetmedar Alî Urkut axivî û xwest bê berdan.&nbsp;

	&nbsp;

	Dadger saetek navber da danişînê.&nbsp;

	&nbsp;