
Danişîna Doza Kobanê berdewam dike  

2022-05-13 14:29:02


	&nbsp;

	KOBANÊ - Endama MYK’a HDP’ê ya berê Pervîn Oduncu di Doza Kobanê de axivî û got: “Em ji bo ji bo azadiya gelan, jinan û aştiyê têdikoşin.”&nbsp;

	&nbsp;

	Danişîna 12’emîn a Doza Kobanê ku 22 jê girtî 108 kes jê tên darizandin li Dadgeha Cezayê Giran a 22’yemîn ku li Kampûsa Girtîgeha Sîncanê ya Enqereyê ye didome. Danişîna 12’emîn di roja 8’emîn de berdewam dike.&nbsp;

	&nbsp;

	Rêveber û parlamenterên HDP’ê, gelek jinên femînîst û gelek parêzer beşdarî danişînê bûn. Hin siyasetmedar li danişînê amade bûn, hin siyasetmedar bi SEGBÎS’ê tev li bûn û hin siyasetmedar jî hêcet nîşan dan û tev li nebûn.

	&nbsp;

	&nbsp;DOZ DÊ MOHRA XWE LI DÎROKÊ BIDE&nbsp;

	&nbsp;

	Danişînê bi tespîta nasnameyan dest pê kir. Siyasetmedara kurd Aynûr Aşan parastina xwe bi kurdî kir û bal kişand ser periyoda danişînan. Aşan destnîşan kir ku berpirsiyariya wan ji bo gelê kurd, ermen, ereb, suryan heye û wan bi têkoşîna xwe berpirsiyariya xwe ya dîrokî anîne cih. Aşan anî ziman ku divê heyeta dadgehê bi awayek wêrek tevbigere û dê ev doza mohra xwe li dîrokê bide.&nbsp;

	&nbsp;

	‘WELAT BER BI XERABÛNÊ VE DIBIN’&nbsp;

	&nbsp;

	Endamê MYK’a HDP’ê yê berê Îsamîl Şengul jî destnîşan kir ku îktidarê bi van dozên dek û dolab welat ber bi xerabûnê ve biriye û êdî însan hatine wê rewşê ku nikarin debara xwe bikin.&nbsp;

	&nbsp;

	BEYAN HATINE HÛNANDIN&nbsp;

	&nbsp;

	Berdevkê HDP’ê yê berê Gunay Kubîlay jî diyar kir ku beyanên şahidan hatiye hûnandin û berevajîkirin û bi awayek dijhiqûqî bi beyanên şahidan hatiye lîstin.&nbsp;

	&nbsp;

	‘TÊKOŞÎNA ME DIDOME’&nbsp;

	&nbsp;

	Endama MYK’a HDP’ê ya berê Pervîn Oduncu jî bertek nîşanî hêcetên berdewamiya girtinê da û wiha got: “Welat dişewite. Me benzîn lê nekiriye, me xwest em agir vemirînin. Me ji bo azadiya gelan, jinan û aştiya Tirkiyê têkoşîn da û em hê jî wisa têdikoşin. Em ê têk neçin û em edaletê dixwazin. Dê edalet ji bo her kesî lazim were.”&nbsp;

	&nbsp;

	Heyeta dadgehê piştî axaftina siyasetmedaran saetak navber danişînê.&nbsp;

	&nbsp;

	JINAN DAXUYANÎ DA&nbsp;

	&nbsp;

	Jinên femînist ku tev li danişînê bûn jî piştî navberê derketin ber Kampûsê û daxuyanî dan. Daxuyanî bi berzkirina dirûşma “Jin jiyan azadî” bi dawî bû.&nbsp;

	&nbsp;