
Girtiyê nexweş Başaran bi darê zorê sewq kirin  

2022-05-30 16:31:40


	&nbsp;

	STENBOL - Girtiyê nexweş Idrîs Başaran ku li Girtîgeha Tîpa H a Bursayê dihat ragirtin, bi darê zorê şandin Girtîgeha Tîpa S a Antalyayê.&nbsp;

	&nbsp;

	Girtiyê nexweş ê bi navê Idrîs Başaran ku li Girtîgeha Tîpa H a Bûrsayê dihat ragirtin, di 24’ê gulanê de bi darê zorê şandin Girtîgeha Tîpa S a Antalyayê. Hat zanîn ku di dema sewqkirina bi darê zorê de alavên Başaran li qawîşê man û hêj ev alavên wî radestî wî nehatine kirin.&nbsp;

	&nbsp;

	Başaran, li Edeneyê hatibû binçavkirin û girtin û ji sala 1994’an heta niha jî di girtîgehê de ye. Ji roja girtina xwe heta niha Başaran li girtîgehên Konya, Kurkçuler, Ceyhan, Sêrt, Mûş, Sîlîfke, Çankiri, Kandira û Bandirmayê ma ye. Ev 6 sal bûn jî li Girtîgeha Bursayê dihat ragirtin. Heta niha 3 caran jî krîza dil derbas kiriye.&nbsp;

	&nbsp;

	Nexweşiyên weke bronşîta kronîk, bêhntengî, epîlepsî, berpêyên panîkî, gastrît, fetqa stû û piştê, nexweşiya rîtma dil, nexweşiya FMF’ê û nexweşiya sistbûna derîçeya dil bi Başaran re hene. Her wiha mîdeyê Başaran xwîn jê hat û emeliyatên rovîk û guatrê bû. Di sala 2006’an de jî qismekî laşê wî felcê lê da û dest û lingan dikeve.&nbsp;

	&nbsp;