
Xwarinên Amedê wekî yên 'Mitbexa Tirk'an hatin berpêşkirin

2022-05-31 09:02:34


	&nbsp;

	&nbsp;

	AMED - Xwarinên xwecihî yên Amedê wekî "Mitbexa Tirk" hatin berpêşkirin. Hevserokê MED-DER'ê Rifat Ronî destnîşan kir ku ev yek parçeyeke înkarê ye.&nbsp;

	&nbsp;

	Di çarçoveya "Hefteya Mitbexa Tirk" de ku bi pêşengiya Emîne Erdogan, hevjîna Serokkomarê AKP'î Tayyîp Erdogan de tê pîrozkirin, di navbera 21-27'ê Gulanê de li Amedê çalakiyek hat lidarxistin. Çalakî bi tevkariya Walîtiya Amedê, Şaredariya Bajarê Mezin a qeyûm tayinî wê hatiye kirin û Zanîngeha Dîcleyê li navçeya Yenîşehîrê hat lidarxistin. Di vê çalakiyê de xwarinên xwecihî yên Amedê wekî "Mitbexa Tirk" hatin berpşkirin. Dolmeyên hişk, mehîr, kutilk, bûmbar, meftûne û gelek xwarinên din wekî xwarinên "Mitbexa Tirk" hatin nîşandan.&nbsp;

	&nbsp;

	PARÇEYEK JI ÎNKARÊ

	&nbsp;

	Hevserokê Komeleya Lêkolînên Ziman û Çandê ya Mezopotamyayê (MED-DER) Rifat Ronî anî ziman ku çanda kurdî di her warî de hedef tê girtin û bal kişand ser zext û çewisandinên li ser çand û zimanê kurdî, qedexekirina konser û şanoyên bi kurdî. Ronî got: "Em dibînin ku ji her aliyî ve êrişê dibin ser kurdî. Konser hatin betalkirin, şano hatin astengkirin. Ev hemû înkarkirin in."&nbsp;

	&nbsp;

	Ronî ji bo xwarinên xwecihî yên Amed ku wekî "Mitbexa Tirk" hatine nîşandan jî destnîşan kir ku ev parçeyeke înkarê ye û got: "Xwarin bi xwe jî çand e. Înkarkirina wê, an jî guherandina wê yan jî tirkîkirina mitbexa wê jî tê wateya înkarkirina gelê kurd. Lewma em vê yekê qebûl nakin û divê ev yek bê sereratkirin."&nbsp;