
Tevî biryara binpêkirinê ya DMME’yê jî darizandin domandin

2022-06-07 13:52:18


	&nbsp;

	AMED - Daxwaza rawestandina darizandina parlamentera HDP’ê ya berê Nûrsel Aydogan ku DMME’yê têkildarî rakirina destnedayîna wê biryara binpêkirinê dabû, hate redkirin.

	&nbsp;

	Danişîna doza parlamentera HDP’ê ya berê ku di sala 2016’an de destnedayîna wê hatibû rakirin û hatibû girtin û bi sûcdariya “endamtiya rêxistinê” tê darizandin li 4’emîn Dadgeha Cezayê Giran a Amedê hate dîtin. Aydogan ku di 4’ê Mijdara 2016’an de dema parlamenterên HDP’ê hatin girtin, hatibû girtin û piştî demekî girtî mabû hatibû berdan. Aydogan a negirtî tê darizandin tev li danişînê nebû lê parêzerê wê Abdûlkadîr Guleç li danişînê amade bû.&nbsp;

	&nbsp;

	Guleç, biryara binpêkirina mafan a DMME’yê ya têkildarî rakirina destnedayîna 39 parlamenterên HDP’ê bi bîr xist û da zanîn ku li gorî Qanûna Muhakemeyan a Cezayan şertên lêpirsînê ji holê hatine rakirin û xwest doza derbarê muwekîla wî de bê rawestandin.&nbsp;

	&nbsp;

	Guleç, diyar kir ku bingeha doza ku bi biryara DMME’yê hatiye dîtin ji holê hatiye rakirin û her wiha xwest ku doz were betalkirin û biryara girtinê ya derbarê muwekîla wî de were rakirin.

	&nbsp;

	Dozger, xwest ku daxwaza betalkirina dozê û rakirina biryara girtinê bê redkirin. Dadgehê jî her du daxwazên parêzer Guleç qebûl nekirin û danişîn taloqî 6’ê Kanûnê kir.&nbsp;

	&nbsp;