
Li Amedê herî kêm 16 rojnameger hatin binçavkirin  

2022-06-08 06:56:03


	NAVENDA NÛÇEYAN -&nbsp;Polîsan li Amedê Hevserokê DFG’ê Serdar Altan û Midura JINNEWS'ê Safiye Alagaş jî di nav de bi ser malên gelek rojnamevanan de girtin û herî kêm 16 rojnamegeran binçav kirin. &nbsp; &nbsp;&nbsp;

	Li Amedê, polîsan bi ser malên gelek rojnamevanan de girtin û lêgerînên pêk anîn. Di serdegirtinan de polisan Hevserokê Komeleya Rojnamevanan a Dîcle Firatê Serdar Altan, Midûra JINNEWS'ê Safiye Alagaş, edîtora JINNEWS'ê Gulşen Koçûk, edîtorê Ajansa Mezopotamyayê (MA) Azîz Orûç û rojnameger Omer Çelîk, Sûat Dogûhan, Ramazan Gecîken, Neşe Toprak, Îbrahîm Koyûncû, Esmer Tûnç, Mehmet Şahîn, Zeynel Abîdîn Bûlût, Mazlûm Dogan Guler, Elîf &nbsp;Ungur, Remziye Temel, Mehmet Yalçin binçav kirin.&nbsp;

	

	Dema serdegirtinan polisan telefon û hin amûrên dîjîtal desteser kirine.&nbsp;

	&nbsp;

	&nbsp;

	

	&nbsp;

	POLISAN BI SER BUROYA JINNEWS'Ê DE JÎ GIRTIN

	&nbsp;

	Bi serdegirtina malên rojnamegeran re polisan bi ser buroya JINNEWS'ê ya Amedê ya li navçeya Yenîşehîrê de jî girt. Di serdegirtinê de polisan qumpîtûr û harddîskan û hin pirtûk û kovaran desteser kirin.

	&nbsp;

	&nbsp;

	Tê diyarkirin ku dibe hejmara binçavkiriyan zêde bibe. &nbsp;

	&nbsp;

	&nbsp;